पहाड़ मा खतरनाक वारदातः एक दगड़या न अपर द्वी दगड़यौं तै जिदीं फुकी द्यायी, द्वीयूं दर्दनाक मौत, आरोपी गिरप्तार

उत्तराखण्ड पौड़ी जिला मा एक दिल दहलाण ह्वाळी वारदात समणी आयी। वख एक दगड़या न दोस्ती शब्द पर भी दाग लगै द्यायी। घटना हूण बाद गौं मा दहशत माहौल बण्यू। जाणकारी मुताबिक पौड़ी खातस्यूं पट्टी चोरकंड़ी गौं मा एक दगड़या न अपर द्वी दगड़यों तै जींदिं फुक द्यायी। घटना खबर मिलण पर राजस्व पुलिस टीम मौका पर पौंछी ग्यायी।

मृतकौं नाम रूप सिंह (45 ) नौन अमर सिंह अर धीरज सिंह (42 ) नौन धीरज सिंह छन। पोस्टमार्टम कना खातिर उंक लाश तै जिला अस्पताळ लेकन आणा छन। एक मृतक घरवळी न राजस्व पुलिस मा मामला की तहरीर दियाल। राजस्व पुलिस न आरोपी अजीत सिंह तै पकड़ी याल। हालांकि भी यीं बात खुलासा नी ह्वायी कि अजीत न इन किलै करी।

Leave a Reply

Your email address will not be published. Required fields are marked *