पंचायत चुनौः यख कपड़ा डीलू बणै कन कंधा अर मुण्ड मा बस्ता धरी कन नदी पार करी कन गेन पोलिंग पार्टी

पंचायत चुनौ मा आज पैल चरण चुनाव आज छन जैमा 14ः95 लाख मतदाता 10621 प्रत्याशियूं भाग्य फैसला करल। ब्याळी पोलिंग पार्टी अपर अपर क्षेत्र खातिर रवाना ह्वे गेन। उत्तराखण्ड रामनगर मा चुकुम गॉव खुणी पोलिंग पार्टी ग्यायी त उतें नदी पार करी कन कंधा अर मुण्ड मा पोलिंग बस्ता पार करी कन जाण पड़ी। चुकुम गॉव लोग बरसों बिटी जै समस्या से हर रोज परेशान छन, पोलिंग पार्टियूं तै भी येक सामना कन पड़ी। कंधा अर मुण्ड मा कपड़ा डीलू बणै कन पोलिंग बस्ता मुण्ड मा धरी कन अधिकारी कर्मचारी नदी पार करी कन गेन। चार पॉच फीट गैहरू पाणी मा गौं लोगू सहारा लेकन उन नदी पार करी। चुकुम रैवासी दशकों बिटी यख पुळ मॉग कना छन। आजादी बाद न जाणे कथगा सरकार ऐन गेन, लेकिन चुकुम रैवासी अजों भी कोसी नदी तैरी कन मोहान ऐ जै करदन।

एक दशक बिटी चलणी यूंकी विस्थापन प्रक्रिया

गौं लोगू मणे जाव त कत्ती बार विधायक, सांसद यूं सब्बी बिटी पुळ बणाण मॉग करी, लेकिन आज तकन क्वी कदम नी उठये गीन। शुक्रवार खुणी रामनगर अयीं पोलिंग पार्टी तै चुकुम जाण छ्यायी। गॉव जाण खातिर रस्ता नी छ्यायी राजस्व उपनिरीक्षक ताराचंद घिल्डीयाल जब उत्साह बढायी वैक बाद गौं लोगू मदद से पोलिंग पार्टी चुकुम गौं पौंछी। चुकुम मा मतदान केन्द्र संख्या 13 छ अर गॉव मा कुल वोटर 652 छन, जैमा 316 लरख्यर अर 336 जनानी छन। गौं अजों तकन विकास से कोसों दूर छ। एक बिटी विस्थापन की प्रक्रिया चलणी, लेकिन अजों तकन क्वी काररवै नी ह्वायी।

Loading...

One thought on “पंचायत चुनौः यख कपड़ा डीलू बणै कन कंधा अर मुण्ड मा बस्ता धरी कन नदी पार करी कन गेन पोलिंग पार्टी

  • 05/10/2019 at 4:57 pm
    Permalink

    सरदार वल्लभ भाई पटेल जी की मूर्ति बनाने से बेहतर होता यहां पर एक छोटा सा पुल बना दिया जाता पर्यटक भले ही यहां पर ना आते लेकिन ग्रामीणों के लिए सुविधा तो हो जाती

    Reply

Leave a Reply

Your email address will not be published. Required fields are marked *