पहाड़ उड़नपरी अंकिता ध्यानी न तमिलनाडू मा करी देवभूमि नौं रोशन

मिलनाडू एथलेटिक्स एसोसिएशन अर त्रिवुन्नामलाई डिस्ट्रिक्ट एथलेटिक्स एसोसिएशन संयुक्त तत्वावधान मा तमिलनाडू मा 24 सितम्बर -26 सितम्बर 2019 तक 17वीं फेडरेशन कप नेशनल जूनियर एथलेटिक्स चैंपियनशिप उरये ग्यायी। प्रतियोगिता मा जहरीखाल प्रखण्ड मा गौं मेरूड़ा रैवासी अंकिता न पॉच हजार मीटर अर पन्द्रह सौ मीटर दौड़ मा भाग ल्यायी। बुप्यर सुबेर पॉच हजार मीटर दौड़ मा अंकिता न स्वर्ण पदक जीती। ये पैल अंकिता न बुधवार कुणी 1500 मीटर दौड मा रजत पदक पर कब्जा करी।

अंकिता पैल भी जीत्यां छन मेडल

अंकिता यूं दिनों मा भोपाल साई हॉस्टल बिटी अजकली प्रशिक्षण लीणा छ। जनवरी मैना मा पूणा मा सम्पन्न हुयां खेलो इंडिया प्रतियोगिता दौरान अंकिता न 1500 मीटर दौड़ मा स्वर्ण पदक अर तीन हजार मीटर दौड़ मा रजत पदक जीती। ये प्रतियोगिता मा उत्कृष्ट प्रदर्शनद क चलद अंकिता चयन साई हॉस्टल भोपाल खुणी ह्वायी। अंकिता यीं जीत पर लैंसडौन विधायक दलीप रावत न खुशी जतै कन ब्वाल कि उं तै पूर विश्वास छ कि अंकिता पूर दुन्या मा देश प्रदेश अर क्षेत्र नाम रोशन करल।

Leave a Reply

Your email address will not be published. Required fields are marked *