काम पौड़ी दूर गॉव मा, वैकी निविदा छपयाणा लखनऊ अखबार मा जणी सवाल जिला पंचायत पौड़ी बैठक मा सदस्यौ न उठैन

जिला पंचायत पौड़ी बैठक मा सदस्यौं न भ्रष्टाचार, एमबी गायब हूण, काम काज गुणवत्ता तै लेकन सदन मा अपर बात रखी कन जिला पंचायत अध्यक्ष ध्यान अपर तरफ खींची। अनियमितता मामलों की जॉच कनै की मॉग करे ग्यायी। इथगा ही ना बल्कण सदन मा पिछल पॉच साल भीतर कत्ती काम पर भी सवाल उठै कन जॉच कनै मॉग करे ग्यायी।

जिला पंचायत सभागार मा आयोजित बैठक अध्यक्षता जिला पंचायत अध्यक्ष शांति देवी न करी। ये दौरान कत्ती सदस्यौं न निविदाऔं प्रकाशन दूसर राज्य बिटी कराण पर रूसे कन अपर बात रखी। बैठक मा आरती गौड़जिला पंचायत सदस्य उमरोली, यमकेश्वर  न क्षेत्र मा मोबाइल सेवा, क्षेत्र मा बहुउद्ेशीय शिविर जैमा सब्बी आम जनमानस कागजात बणी जाव उंक समस्या समाधान उखमी ह्वे जाव। ये दगड़ी आवई माला सड़क तै ब्लॉक मुख्यालय से जुड़न अर रामजीवाला मा पाणी समस्या निराकरण बाबत उन मॉग पत्र सौपीं। बैठक मा स्वीति सीट जिला पंचायत सदस्या आरती भण्डारी न एक ही जगहा मा एका ही काम बाबत तीन बार धनराशि दीये जाण पर सवाल खड़ू करी। उन ब्वाल कि डायट चड़ीगॉव मा जिला न एक ही गूल बणाण, मरम्मतीकरण खातिर तीस लाख बड़ी धनराशि भ्रष्टाचार भेंट चढये ग्यायी। उन ब्वाल कि एमबी जिला पंचायत दगड़ी साजिशन गायब करे ग्यायी, येकी जॉच करे जाण चियांद। आरती भण्डारी न द्वी साल काम की ऑडिट रिर्पोट भी सदन मा रखणा की मॉग करी। उन जिला पंचायत सब्बी काम की जॉच कनै की मॉग उठै। थैर सीट जिला पंचायत सदस्य गौरव रावत न ब्वाल कि पंचायत की निविदा लखनऊ अखबार मा छपयाणा छन, जौं तै निरस्त करे जाव। कठूड़ सीट बिटी सदस्या मुकेश बिष्ट न जिला पंचायत सदस्य क पॉच साल काम की जॉच कनै की मॉग करी। कड़ाकोट सीट सदस्य संजय डबराल न क्षेत्र विकास कार्य पंचायत सदस्य प्रतिनिधियूं माध्यम बिटी करये जाण मॉग करी। डोभ श्रीकोट सीट सदस्य मेहरबान सिंह नेगी न ब्वाल कि निविदा लखनऊ मा प्रकाशित करे गीन, जू अफू मा भ्रष्टाचार क पुख्ता प्रमाण दीणा छन, उन सब्बी काम की जॉच कना मॉग करी। ये मौका पर जिला पंचायत उपाध्यक्ष, रचना बुटोला, भरत सिंह, सीमा सजवाण, आरती गौड़ पुष्पा नेगी, अमन सिंह, आशुतोष पोखरियाल सब्बी मौजूद छ्यायी। सचांलन एएमए संतोष खेतवाल न करी।

Loading...

Leave a Reply

Your email address will not be published. Required fields are marked *