गढ़वाल कुमायूँ तै जुड़न ह्वाल सड़क बंद हूँण से चार हजार आबादी ह्वाल गाँव लोग कैद, पुंगड़ी मा सड़णी छ साग भुज्जी

देवाल समेत 50 से ज्यादा गाँव तै कुमायूँ से जुडन ह्वाली ग्वालदम – खांपाधार- चिडंगा मल्ला मोटर मार्ग चार मैना बाद भी गाड़ी आण जाण लैक नि खुली पाई। सड़क बंद हूँण से ग्रामीणों तै भौत मुश्किल उठाण पड़ना।सड़क खुलण खातिर एसडीएम के एस नेगी न द्वी मैना पैल सम्बन्धित अधिकारियू तै आदेश दे छ्यायी, लेकिन चार मैना बाद भी सड़क बन्द पड़ी छ। लोग डंडों सार पर बगद गाड़ तरी कन अपर जान जोखिम मा डालिकन जाणा छन।

मगरकूड़ा चायखाना बागतोली समेत आधा दर्जन से ज्यादा गांव जख लगभग चार हजार आबादी छ उक जन सम्पर्क होर सड़क से भी कटी ग्यायी। सड़क बंद हूँण से यूँ गाँव मा अल्लू अर होर साग भुज्जी पुंगड़ी मा सड़ना छ। गाँव स्कूल्यो नौनयाल तै पांच किलोमीटर पैदल चली कन स्कूल जाणा छन। सामाजिक कार्यकर्ता हीरा सिंह, हरेंद्र सिंह, गबर सिंह अर होर सब्यूँ बुलण छ कि लोक निर्माण विभाग गैर जिम्मेदार रुख दिखाणा। उन सड़क खुलण माँग करी। नाराज ग्रामीण ब्वाल कि अगर उक मांग नी मने ग्यायी त आन्दोलन करे जाल।
वखि लोक निर्माण विभाग अधिशासी अभियंता जगदीश रावत न ब्वाल कि विभाग मा अजो एक ही मशीन छ ज्वा नारायण बगड़ मा काम कनी। यख काम पूर हूँण बाद ग्वालदम खांपाधार- चिडंगा मल्ला सड़क खुलण खातिर भिजे जाल।

Leave a Reply

Your email address will not be published. Required fields are marked *