आपदा डर सरा रातभर बिज़्यू रायी गांव, बादळ फटण द्वी दिन बाद भी इन छन हालात

आपदा डर सरा रातभर बिज़्यू रायी गांव, बादळ फटण द्वी दिन बाद भी इन छन हालात

उत्तराखंड पिथौरागढ़ जिला क नाचनी मा शुक्रवार देर रात हूँण ह्वाल भारी बरखा न जू उज्जड बिजड़ ह्वाई वेक निशांण आज भी दिख्याणा छन। आपदा खौफ से पूर गांव रात भर बिज़्यू रायी
। लोगू पुटग डर इथगू छेयी कि कखी बडू सैलाब नी ऐ जाव घड़ी घड़ी या दहशत हुई छेयी।

इतवार कुणी तल्ला भैंसकोट 28 परिवारौ न प्राथमिक स्कूल मा दिन रात काटी। गांव मा 3 कूड़ उजड़ी गीन। 15 कूड़ रैवास कन लायक नी छन। गांव तै जुडन ह्वाल 7 आरसीसी पुल भी बौग गीन।

पाणी पैप लैंन भी टूटी गीन। लोगू तै खरनाक रस्ता पर जैकन दूर बिटी पाणी भरिकन लाण पड़नू, जू पाणी दूषित च। थल-मुनस्यारी सड़क हरड़िया मा दुसरे दिन भी बंद च। ये से लोगू तै आण जाण मा दिक्कत हूँण छ। वखि, डीएम न 9 से 11 सितंबर तक मुनस्यारी अर धारचूला क स्कूल बंद कन क निर्देश दीयेन।

बता दिवा कि खबरिया नाला उफान पर आण से भैंसखाल पंचायत घर बौगी ग्यायी । कत्ति पेयजल योजना, सिंचाई गूल अर चेकडैम बौगी गीन। राया-बजेता सड़क ममा तल्ला भैंसकोट क गदन मा बन्यू मोटर पुळ द्वी किनर बगी गीन।

सार्वजनिक शौचालय, पेयजल टैंक ध्वस्त ह्वे गीन। द्वी कंकरीट पुळ, एक घट्ट बगी ग्यायी। डीएम वीके जोगदंडे अर दर्जा राज्यमंत्री शमशेर सत्याल न आपदा ग्रस्त क्षेत्र दौरा करी कन नुकसान जायजा ल्यायी।

थल-मुनस्यारी सड़क 60 मीटर हिस्सा ध्वस्त ह्वे ग्याईं। तमाम भीतर सड़क मलबा आण से बंद ह्वे ग्यायी। खतरा जद मा आण से सात परिवारौ न घर छोड़ दयायि। बाथी गांव मा द्वी मकान ध्वस्त ह्वे गीन अर चार मवेशी मलबा मा दब गीन।

Leave a Reply

Your email address will not be published. Required fields are marked *