जहरीली शराब पीण से 12 लोगू मौत, 04 गंभीर हालात मा, 13 कर्मचारी निलंबित, क्षेत्र मा हड़कंप

उत्तराखण्ड क रूड़की झबरेड़ा क्षेत्र क बल्लुपुर गांव मा जहरीली शराब पीण से 12 लोगूं की मौत ह्वे ग्यायी। वखी चार लोग गंभीर हालत मा अस्पताळ मा भर्ती छन। जनमेजय प्रभाकर खंडूरी अनुसार, गांव मा एक आदमी घर मा तेरहवीं भोज कार्यक्रम छ्यायी। ये दौरान वख कुच्छ ग्रामीण लोगू न जहरीली शराब पे ल्यायी। वखी, ये मामला मा डीएम न मजिस्ट्रियल जॉच क आदेश दियेन। येकी जिम्मेदरी एडीएम ललित नारायण मिश्रा तै सौंपे ग्यायी।
शराब पीण बाद वख ग्रामीण की हालात खराब हूणी लगी जैमा 12 लोगू मौत ह्वे ग्यायी। वखी होर लोगू तै अस्पताळ मा भर्ती करये ग्यायी। वखी अवैध मदिरा क सेवन तै लेकन लापरवे बरतण मामला मा अपर आबकारी अर्चना गहरवार न 13 कर्मचारियूं तै निलंबित कर द्यायी। येक दगड़ी सब्बी कर्मचारीयूं तै देहरादून अटैच कर दिये ग्यायी। पुलिस अधिकारियूं क बुलण च कि यी कच्ची शराब पीण कारण ह्वायी। पुलिस टीम मौका पर जाणा कुणी रवाना ह्वे ग्यायी। वखी, यीं बात क भी जॉच करयाणा च कि मामला फूड़ प्वाइजनिंग क त नी च, किलै कि शराब पीण अर खाण बाद ही लोगू की तबियत बिगड़ी। मामला की जॉच करयाणा च। येक बाद ही सरा बात समणी आली।

Leave a Reply

Your email address will not be published. Required fields are marked *