अर अधूरी रै ग्यायी उत्तराखंड वित्त मंत्री प्रकाश पंत की या दिली इच्छा, कन चाद छ्यायी ये काम

उत्तराखंड वित्त मंत्री प्रकाश पंत की मौत दगड़ी उकी या दिली इच्छा भी अधूरी रै ग्यायी। प्रकाश पंत उत्तराखंड क जागेश्वर अर बागेश्वर तै एक ट्रैक रूट मा जोड़ी कन पांचवां धाम बणाण की ख्वाहिश छेयी।

वित्त मंत्री प्रकाश पंत आखिरी बार 14 जनवरी कुणी उत्तरायणी मेले की पँवाण लगांण कुणी बागेश्वर एन। यख की जनता अर जन प्रतिनिधियूँ न पर्यटन तै बढ़ावा दीण खातिर योजना बणाण की मांग करी। ये पर उन आश्वासन दे छ्यायी कि अल्मोड़ा प्रसिद्ध जागेश्वर अर कुमाऊं क काशी क बागनाथ मंदिर तकन सैलानियों की आमद बढ़ाण खातीर एक रूट बणाल।

येक नाम धरे जाल पांचवां धाम। उन बोल छ्यायी कि उकी ख्वाहिश भी च कि उत्तराखंड मा चार धाम दगड़ी एक होर पांचवां धाम बणये जाव। पंत क आश्वासन बाद बागनाथ नगरी मा पर्यटन उम्मीदें बढ़ीं छेयी लेकिन उक निधन दगड़ी या ख्वाहिश भी अधूरी रै ग्यायी।

Leave a Reply

Your email address will not be published. Required fields are marked *