राष्ट्रपति न करी उत्तराखण्ड संस्कृति, थड़या चौफळा, मॉगळ गीत तै करी डॉ माधुरी बडथ्वाळ रूप मा अन्तर्राष्टीय महिला दिवस पर सम्मानित

’दैणा हुयां खोळी क गणेश दैणा हुयां मोरी क नरैण’ जनी मॉगळ गीत अर लोकमांगळ गीत, उत्तराखण्ड थड़या चौफळा, अर लोक गीतू की अपार भण्डार से भरीं डॉ माधुरी बड़थ्वाल तै आज अन्तर्राष्ट्रीय महिला दिवस पर सम्मानित करी कन उत्तराखण्ड संस्कृति तै सम्मानित करे ग्यायी। आज भौतिकवादी अर भगद दौड़दी, परिवर्तित हूंद संस्कृति मा उत्तराखण्ड पहाड़ संस्कार, मॉगळ गीत जख एक बार हरचण बेठ गे छ्यायी, थड़या चौफळा बगैर उत्तराखण्ड पहाड़ चौक वीरान ह्वे गे छ्यायी, लोकगीतू धुन बण मा सुणन कुणी कंदुड़ तरसणा छ्यायी, तब उत्तराखण्ड की एक यन जनानि अपर पूर जीवन यूं लोक गीत अर संगीत पर खोज करी करी कन लोगू समणी रखी अर बतै कि उत्तराखण्ड धरती तै देवभूमि सुदी नी मने जांद।
डॉ माधुरी बड़थ्वाल, आकाशवाणी नजीबाबाद, मा संगीत निदेशक पद पर रैन, अर वख रैकन भी उन पहाड़ संस्कृति की सेवा करी। मूल रूप मा मैत बटी यमकेकश्वर प्रखण्ड गॉव दमराड़ा की उनियाल परिवार की बेटी अर द्वारीखाल मा बड़थ्वाळ परिवार ब्वारी रूप मा उन ना केवल पूर यमकेश्वर, द्वारीखाल बलकण पूर यमकेश्व रनाम रोशन करी। डॉ0 माधुरी बड़थ्वाल पैल यन जनानि छेयी जौन संगीत क्षेत्र मा डॉक्टर की मानक उपाधि ल्यायी, अर उत्तराखण्ड लोक गीत, अर नृत्य पर रोज खोज करी। डॉ बड़थ्वाळ न नजीबाबाद मा रैकन अपर कर्मभूमि दगड़ी जनम भूमि क संस्कार निभैन अर वख रैकन उत्तराखण्ड संस्कृति तै बढावा दीण मा क्वी कसर नी छोड़ी। आप बौत मयळ स्वभाव की जनानि छन, अर आपक हृदय मा जू संगीत बस्यूं च वैकी झलक उंकी मुखड़ी मा झलकदू।
आज भी डॉ माधुरी बड़थ्वाल, देहरादून, कोटद्वार, रूद्रप्रयाग मा जैकन जनानियू तै मॉगळ गीत सिखांदी, थड़या चौफळा तै फिर चौक मा उंकी चौपाल लगांदी। आज भी डॉ माधुरी बड़थ्वाळ नै पढवळी ते संगीत शिक्षा देकरदी लेकिन वै दगड़ी उत्तराखण्ड लोक संस्कृति शिक्षा भी देकरदन। लोगू बीच दीदी से जणे जाण ह्वाळी सही मायना मा आज अन्तर्राष्टीय महिला दिवस पर राष्ट्रपति तरफ बटी सम्मानित ह्वेकन उन येक बार फिर उत्तराखण्ड लोकगीत अर मॉगळ गीत जणी संस्कार तै पूर दुन्या समणी रखी अर थडया चौफळा बाबब बतै कन यन सिखायी कि आज गुजरात गरबा जणी लोक प्रसि़द्ध नृत्य भी उत्तराखण्ड बटी निकळयूं नृत्य च। डॉ माधुरी बड़थ्वाळ तै एक बार फिर रंत रैबार बटी बौत बौत बधै।

Loading...

Leave a Reply

Your email address will not be published. Required fields are marked *