उत्तराखण्ड मा नौ नवम्बर कुणी ह्वाल चुनाव, चुनाव आयोग न करी कार्यक्रम जारी

देहरादूनः उत्तर प्रदेश अर उत्तराखण्ड की कुल 11 राज्यसभा सीटौ पर चुनौ तारीख ऐलान ह्वे ग्यायी। राज्यसभा 11 सीटौं पर 9 नवम्बर कुणी चुनाव हूण, अर वै दिन ब्यखन बगत रिजल्ट घोषित कर दिये जाल। ये मा उत्तर प्रदेश 10 अर उत्तराखण्ड की एक सीट छ। अजों यीं सीट पर काबिज सदस्यौं कार्यकाल 25 नवम्बर कुणी खत्म हूणा। चुनाव आयोग ये बाबत मंगलवार कुणी बयान जारी करी कन चुनाव कार्यक्रम घोषित करयाल।


चुनाव आयोग द्वारा दीयीं जाणकारी अनुसार 20 अक्टूबर कुणी यूं सीटौं पर चुनाव की अधिसूचना जारी हूण बाद 27 अक्टूबर कुणी नामांकन ह्वाल 02 नवम्बर कुणी नाम वापसी अर नौ नवम्बर कुणी चुनाव अर ब्यखन बगत परिणाम घोषित ह्वाल। गौरतलब छ कि उत्तराखण्ड बिटी राज्यसभा सदस्य राजबब्बर कार्यकाल 25 नवम्बर कुणी खत्म हूणा। यीं बार भाजपा 58 विधानसभा सदस्य हूण वजह से राज्य मा रिक्त हूण ह्वाळ सीट भाजपा तै मिलण तय छ।

Loading...

Leave a Reply

Your email address will not be published. Required fields are marked *