रणजी ट्रॉफी मा उत्तराखण्ड ये पहाड़ी छ्वारा न मारी दोहरा शतक, उत्तराखण्ड टीम मजबूत स्थिति मा

रणजी ट्रॉफी मुकाबला मा सिक्कित क खिलाफ शानदार बल्लेबाजी दम पर उत्तराखण्ड टीम न अपणू दबदबा बणै याल। सौरभ रावत क शानदार दोहरा शतक अर वैभव भट्ट की कप्तानी अर रजत भाटिया क शतक बदौलत टीम उत्तराखण्ड न नौ विकेट पर 582 रन बणै कन पारी घोषित करी द्यायी। वखी सिक्किम की टीम न दूसर दिन खेल खतम हूंद तकन तीन विकेट नुकसान पर 49 रन बणयेन। भुवनेश्वर क केआईआईटी क्रिकेट मैदान मा बुधवार सुबेर उत्तराखण्ड न अपण पैल दिन क स्कोर पॉच विकेट परद 290 रन से ऐथर खिलण शुरू करी। द्वी अविजित बल्लेबाज सौरभ रावत, अर वैभव भट्ट न संभळीकन बल्लेबाजी करी अर शानदार 231 रनों की साझेदरी करी। ये दौरान सौरभ रावत न 368 गिंदी मा अपणू दोहरा शतक पूर करी।

Loading...

सौरभ न रणजी ट्रॅाफी मा दोहरा शतक जड़न ह्वाळ पैल उत्तराखडीं बल्लेबाज क बतौर रिकॉर्ड बुक मा नाम दर्ज करयाल। सौरभ न 381 गिंदी मा 220 रन बणै कन आउट ह्वेन। येक बाद वैभव भट्ट न मलोलन रंगराजन दगड़ी 29 रन अर दीपक धपोला दगड़ी 20 अर धनराज शर्मा दगडी 49 रनू की साझेदरी करी। धनराज शर्मा न 37 गिंदी मा 23 रन बणैन। वैभव भट्ट न 275 िंगदीं मा नाबाद 152 अर सनी राणा न 14 िंगदी मा 11 रन बणैन। सिक्किम क तरफ बटी ईश्वर चौधरी न 105 रन देकन चार अर बीबी शर्मा अर मिलिंद न द्वी द्वी विकेट लेन।

Loading...

Leave a Reply

Your email address will not be published. Required fields are marked *