सड़क दुर्घटना मा चार लोगू मौत से कोटद्वार , भाबर उदयरामपुर मा शोक, परिजनू मा पसरयूं मातम

किशनपुर भाबर क उदयरामपुर मा एक ही परिवार मा तीन लोगू सड़क दुर्घटना मा मौत खबर मिलदी सार पूर इलकू मा मातम पसरी ग्यायी। यीं खबर से परिजनू मा कोहराम हूयूं। शुक्रवार ब्यखन तकन परिजनू तै सांत्वना अर सारू दीणा खातिर उंक घर मा लोगू भीड़ लगी छेयी।
परिजनू न बतै कि घऽर क लोग अर नाता रिश्तेदार बीमार बुढ्या आदमी मतिराम तै चार दिन पैल चण्डीगढ, पीजीआई मा इलाज खातिर लेकन गे छ्यायी। दगड़ मा उंक घऽरवळी दर्शनी देवी (60) जवैं हरीश चन्द्र (36) नौन गिरधारीलाल अर दूसर कणसू जवैं संजय अर कार ड्रेवर गणेश अर रिश्तेदार विमलेश भी छ्यायी। डॉक्टर तै दिखाण बाद सब्बी लोग राजी खुशी घऽर बौडणा छ्यायी कि बुप्यर रात उंकी कार दुर्घटनाग्रस्त ह्वे ग्यायी। घटना की खबर मिलदी सार मतिराम भाई चन्द्रमोहन घटनास्थल कुणी जाणा बाबत पैट गेन। उदयरामपुर मा उंक घर मा मतिराम क जवैं हरीश की घऽरवळी अर द्वी बाळ नौन प्रशांत अर सुमित रोयी रोयी कन बुरू हाल छन। पूर्व बीडीसी मेंबर श्यामसुंदर कडंवाल समेत जनप्रतिनिधियूं कन हादसा पर शोक जतायी।

Loading...

Leave a Reply

Your email address will not be published. Required fields are marked *