उत्तराखंड आंदोलनकारियों क डाटा तैयार करली बलिदान ब्रिगेड, 6 दिसम्बर कुणी सतपुली बिटी ह्वेली शुरूआत

सतपुली। सतपुली क मलेठी मा आगामी 6 दिसम्बर कुणी उत्तराखंड बलिदान ब्रिगेड की शुरूआत ह्वाणा। येक संयोजक उद्यमी अर समाजसेवी सुंदर सिंह चौहान अर अध्यक्ष गढ़वाल विवि क प्रोफेसर राकेश नेगी छन। उद्घाटन के मौके पर मुख्य अतिथि क तौर पर थराली क भूपेंद्र रावत राल। भूपेंद्र रावत क पिता अर भाई उत्तराखंड राज्य आंदोलन मा शहीद ह्वे गे छ्यायी । समाजसेवी सुंदर सिंह चौहान क बुलण छ कि या ब्रिगेड राज्य आंदोलनकारियों तै डाटा एकत्रित करली। या कार्य ग्राम, वार्ड, ब्लाक अर जिला स्तर पर करे जाल। गुमनाम आंदोलनकारियों तै पहचाण दिलाण काम ह्वाल। साथ ही भावी पीढ़ी कुणी अपर इतिहास से अवगत कराण बाबत लाइब्रेरी अर शहीद स्मारक भी बणये जाल।

भावी पीढ़ी तै आंदोलन क इतिहास से रूबरू कराण की कवायद शुरू

समाजसेवी सुंदर सिंह चौहान क या पहल सराहनीय छ। उन ब्वाल कि राज्य गठन क जो उद्देश्य छ्यायी कि पर्वतीय जिलों क लोगू कुणी रोजगार की व्यवस्था ह्वाव। नौकरियों मा उते आरक्षण मिलो अर विकास ग्रामस्तर तक पहुंचो लेकिन राज्य गठन बाद सरकार रोजगार दीण भूल ग्यायी दगड़ मा मूल निवासी क स्थान पर स्थायी प्रमाण पत्र दीयाणा छन। या भावी पीढ़ी बाबत समस्या च। गांव मा स्वरोजगार बाबत बैंक मूल पैतृक संपत्ति पर लोन नि देकर दी । वनाधिकार नी दियाणा छन। यूँ विषयों पर समस्याओं तै लेकन भी बलिदान ब्रिगेड सवाल उठाली।

बलिदान ब्रिगेड क संबंध मा विस्तृत जानकारी दीण बाबत ठाकुर सुंदर सिंह चौहान से 9412971273, डा आर एस नेगी से 9412029939 अर सचिव चंद्रप्रकाश शर्मा 6396621599 से संपर्क करे जै सकदू।

Loading...

Leave a Reply

Your email address will not be published. Required fields are marked *