बदमाशू न पहाड़ी बेटी सेल्स गर्ल्स तै शोरूम मा जैकन दिन दुफरा मा छूरी गळ काटी कन चित्त मार द्यायी,

उत्तराखण्ड काशीपुर मा दिन दुफरा मा मोबाईल शोरूम मा एक सेल्स गर्ल हत्या हूण से सब सकपकया छन। हत्यारौ न छूरी न मृतका पिंकी पुटग पर आठ वार करीन। जैक निशान छह से 10 सेमी 10 सेमी गैर छन। अुनमान या छ कि हत्या कन ह्वाळ मृतका गळ दबै कन आठ वार छूरी घौंपी। घटनास्थल पर फर्श अर काउंटर पर खून छींटा मिल्या छन। ये से अनुमान लगये संक्यांद कि अपर बचाव मा मृतका हत्यारौं दगड़ी खूब संघर्ष करी। अजों यी पता नी चली कि हत्या कन ह्वाळ इखूली छ्यायी कि होर भी छ्यायी। मृतका पिंकी खून हूण खबर मिलण पर अयीं पुलिस न मौका मुआयना करी त शोरूम मा सीसीटीवी सिस्टम नी लग्यूं छ्यायी। शोरूम समणी घर सीसीटीवी कैमरा भी खराब हुयां मिलीन। पुलिस न काफी दूर तकन सीसीटीवी कैमरा तलाश करी लेकिन सीसीटीवी कैमरा नी दिखेन। अनुमान लगयाणा छ कि वारदात तै अजांम दीण बाद बदमाश शोरूम बगल बिटी जाण ह्वाळी गळी बिटी भागी ह्वाल।
पिंकी रावत हत्या कन राज वींक मोबाईल मा बंद हूण संभावना बतयाणा छ। पुलिस न घटनास्थल बिटी पिंकी मोबाईल तै कब्जा मा ले ल्यायी। वींक मोबाईल मा पासवर्ड लग्यूं छ्यायी। साईबर सेल मदद से पासवर्ड डिकोड करे ग्यायी। पुलिस मृतिका मोबाईल सीडीआर निकळवेकन जॉच मा जुटीं छ। मोबाईल डाटा आधार पर पुलिस तै कुछ सुराग मिलण संभावना जतयाणा छ। बतै दिवा कि जिला पौड़ी गढवाळ तहसील धुमाकोट रैवासी दिगौलीखाल रैवासी पिंकी रावत (22) नौनी मनोज रावत तीन मैना बिटी शोरूम मा काम कनी छेयी। शुक्रवार दुफरा मा करीब 12 बजे मनीष चावला (शोरूम मालिक) न पुलिस तै खबर द्यायी कि शोरूम मा सेल्स गर्ल पिंकी हत्या कर द्यायी। शोरूम मा करीब डेढ लाख रूप्यों कीमत 11 मोबाईल भी गैब छन। एसएसपी डॉ जगदीश चन्द्र न बतै कि यीं वारदात कारण लूटपाट छ या आपस मा क्वीं रजिंश लगणी।

Leave a Reply

Your email address will not be published. Required fields are marked *