हादसाः स्कूल्या नौन्याळौ तै लेकन जाण बगत मैक्स पल्टी, 24 छात्र घैल, एक हालत नाजुक

उत्तराखण्ड क हल्द्वानी मा बैजनाथ बिनखोली सड़क पर आज सुबेर हादसा ह्वे ग्यायी। स्कूल्या नौन्याळौं तै लेकन जाण ह्वाळी मैक्स अनियिंत्रंत ह्वेकन पलटे ग्यायी। हादसा मा 24 बच्चा घैल ह्वे गीन, जैमा एक बच्चा हालत गंभीर बतयै जाणी छ। खबरयों बिटी मिली जाणकारी हिसाब से श्रीराम पब्लिक स्कूल की मैक्स सुबेर स्कूल्यौं तै ल्याणा खुणी जणी छेयी। ये दौरान बैजनाथ सड़क पर अचाणचक मैक्स तै रूके नी साकी अर सड़क पर पलटे ग्यायी। रस्ता चलद बटोही न ये हादसा खबर 108 एंबूलेंस तै द्यायी। लेकिन लोगू बकै छ कि एंबूलेंस अद्धा घंटा देर मा आयी। लोगू न जन कनी करी कन नौन्याळूं तै अस्पताळ पौछायी। 23 बच्चों इलाज सीएचसी गौचर मा चलणू छ, जबकि एक नौन्याळ हालात गंभीर हूण कारण वै तै बागेश्वर जिला अस्पताळ मा भर्ती करे ग्यायी।

Leave a Reply

Your email address will not be published. Required fields are marked *