स्वरोजगर क्षेत्र मा सुंदर पहल: बीटेक कन बाद ऑन लाइन भुज्जी बेचिकन कना छन बेहतरीन काम

उत्तरकाशी। डुंडा ब्लॉक नै छोळी नै छरौली क नै पढवळी चार छवारों न ऑन लाइन फल भुजी बीचण कारोबार शुरू करी कन नौकरी पाण खातिर दर-दर भटकण ह्वाल नै पढवली कुणी उदाहरण पेश करी। पहाड़ी सब्जीवाला नाम से शुरू करो यी ऑन लाइन कंपनी बिटी युवा अपरी आर्थिकी मजबूत कन दगड़ी स्थानीय काश्तकारू कुणी बजार तैयार कन छन ।

 

कंपनी मा पार्टनर डुंडा गांव निवासी इंद्र गौरव न बतायी कि वर्ष 2016 मा बीटेक कन बाद उ दिल्ली मा नौकरी कना छ्यायी, लेकिन कृषि परिवेश हूंण कारण उक मन मा सदनीं बिटी ये क्षेत्र मा कुछ नै कन की इच्छा रै करदी छेयी । जैमा उन अपर दगड्यो दगड़ी मिलीकन पहाड़ी सब्जीवाला नाम से ऑन लाइन फल अर सब्जी बीचण कारोबार शुरू कन की योजना बणाई। वेक बाद बीकॉम ग्रेजुएट अंकित रावत, एमए पास राममूर्ति अर बीटेक ग्रेजुएट अमित डिमरी शामिल छन। यी लोग भी प्राइवेट नौकरी कना छ्यायी, जै तै छोड़ी कन अब ये कारोबार तै जमाण मा जुटया छन। उन बतायी कि फलू अर सब्जियूँ की आपूर्ति बाबत डांडा माजफ, किशनपुर, भालसी अर होर गांवों मा खेती कन ह्वाल प्रगतिशील किसानू से सीध खरीदणा छन , जैसे उत्तरकाशी जिला मुख्यालय स्थित कंडार देवता मंदिर क नजीक बन्यू स्टोर बिटी होम डिलीवरी करी कन घर-घर पहुंचाणा शुरूआती चरण अभी केवल जिला मुख्यालय, ज्ञानसू अर जोशियाड़ा क्षेत्र तकन ही या सुविधा दीयाणा च , जै तै बगत हिसाब से विस्तार दिये जाल। उन ब्वाल कि कंपनी माध्यम से उ सब्बि अफ्फुकुणी कुणी सम्मानजनक आमदनी कमाण दगड़ी स्थानीय काश्तकारू तै बजार उपलब्ध करे सकल।

Leave a Reply

Your email address will not be published. Required fields are marked *