पहाड़ मा शर्मनाक घटनाः चम्पावत मा द्वी नाबालिग किशोरियूं दगड़ी गैंगरेप, वारदात कना बाद चार आरोपी लापता

लोहाघाट अर बाराकोट मा द्वी नाबालिगूं दगड़ी गैंगरेप क मामला समणी अयूं। बाराकोट क मामला डेढ मैना पूरण , लोहाघाट मा ज्वा वारदात ह्वायी वा द्वी दिन पैल की च। द्वी मामला मा पीड़ित पक्ष तरफ बटी इतवान दिन लोहाघाट थाणा मा आरोपियूं खिलाफ मुकदमा दर्ज करये ग्यायी। पुलिस न लोहाघाट मा नादान किशोरियूं दगड़ी दुष्कर्म कन आरोपियूं तै पकड़ी कन मुख्य न्यायिक मजिस्ट्रेट की अदालत समणी पेश करे ग्यायी, जख द्वी आरोपियूंत ै जेज भेजी दिये ग्यायी। वखी बाराकोट मा नाबालिग दगड़ी दुष्कर्म क सब्बी चारों आरोपी लापता बतयाणा छन।
लोहाघाट मा एक गौं रैवासी न थाना मा तहरीर देकन बकै लगाया कि राजमिस्त्री काम कन ह्वाळल बिहार क चंपारण जिला रैवासी शमीम अंसारी अर इकबाल हुसैन न वैकी नाबालिग बैणी दगड़ी आठ मार्च कुणी दुराचार करी । थानाध्यक्ष मनीष खत्री न बतै कि इ्रतवार कुणी आईपीसी की धारा 363,366ए, 376, 506,3/4 पॉक्सो अधिनियम क तहत मुकदमा दर्ज द्वी आरोपियूं तै पकड़ी कन जेल भेज दिये ग्यायी, मामला की जॉच दरोगा बबीता कना च।
वखी बाराकोट क एक गॉव की जनानि न आरोप लगै कि विकासखण्ड क एक गॉव रैवासी प्रदीप अधिकारी, उर्फ गोल्डी अर रविन्द्र नाथ न उंकी 17 साल की बेटी तै 24 जनवरी 2019 कुणी दुष्कर्म कन खोटी नियत से दबोची कन जोर जबरदस्ती करी। येक बाद आठ मार्च कुणी आरोपियूं क रिश्तेदार राकेश अधिकारी अर रितिक अधिकारी न उं दगड़ी गाळी गलौज, मारपीट अर जातिसूचक शब्दूं क प्रयोग करी। ये मामला मा एसओ न बतै कि इतवार कुणी आरोपियूं खिलाफ आइ्रपीसी धारा 323,376,452,504,506,511,7/8 पॉक्सो धारा 10,11,3 ए एसएस-एसटी एक्ट अधिनियम क तहत मामला दर्ज कर लिये ग्यायी। मामला की जॉच पुलिस क्षेत्राधिकारी नरेश चंद कना छन। सब्बी आरोपी लापता छन।

Loading...

Leave a Reply

Your email address will not be published. Required fields are marked *