उत्तराखण्ड की वादियूं मा एक बार फिर शाहिद कपूर, बत्ती गुल मीटर चालू बाद अब यीं फिल्म क चलणी यख शूटिंग

फिल्म बत्ती गुल चालू मीटर क बाद एक बार फिर शाहिद कपूर उत्तराखण्ड की वादियं मा अपर नै फिल्म शूटिंग कना खातिर पौंछी गेन। एक्टर शाहिद कपूर की अपर या नै फिल्म की शूटिंग कबीर सिंह बाबत यख अयां छन। सेट बटी बौत सुंदर सुंदर फोटो समणी अयां छन। उत्तराखण्ड मा बॉलीवुड क फिल्मू अजकली खूब शूटिंग चलणी। अभिनेता शाहिद कपूर अब यी फिल्म अभिनेत्री क्यारा आडवाणी दगड़ी फिल्म कबीर सिंह की शूटिंग कना छन।
आज बुधवार दिन निदेशक संदीप रेड्डी न अपर फिल्म यूनिट क दगड़ी डोईवाला क जौली ग्राण्ट एयरपोर्ट मा फिल्म क कुच्छेक सीन शूट करीन। शूटिंग दिखणा खातिर बौत भीड़ कठ्ठी हुयीं छेयीं। एयरपोर्ट पर दुफरा मा फिल्म तीन सीन शूट करे गेन। अब बकै मसूरी अर देहरादून अगल बगल मा बकै फिल्म की शूटिंग ह्वेली। उन ब्वाळी मंगळवार कुणी मसूरी जाण छ्यायी लेकिन बर्फवारी हूण से अर जाम देखी कन वख जाण कार्यक्रम रूकण पड़ी। उंकी फिल्म की शूटिंग मसूरी, कैम्टीफॉल, अर देहरादून की लोकेशन मा ह्वेली। उंक यख रूकण जू प्रोग्राम च उ चार पॉच दिन क च। फिल्म लीड रोल मा क्यारा आडवाणी च। शाहिद कपूर की पैल बार क्यारा आडवाणी दगड़ या फिल्म बणनी।

Leave a Reply

Your email address will not be published. Required fields are marked *