ज्यादा बिल आण से परेशान दुकानदार न बिजली विभाग तै सबक सिखाणा खातिर करी यी काम, पढी कन ह्वे जैली हैरान

         ज्यादा बिल आण से परेशान ह्वे कन दुकानदार न बिजली विभाग तै सबक सिखाण कुणी बिल जमा कना खातिर 23 हजार पॉच सौ रूप्यों सिक्कौं कठ्ठी करी बिजली निगम दफ्तर मा पहॅुची।

         खबरयों मुताबिक हरियाणा क फतेहाबाद मा किराना दुकानदार अर डीसी कॉलोनी रैवासी सुनील कुमार लोगूं तै भारी भरकम बिल भेजीकन परेशान कना कारण निगम तै सबक सिखाणा चांद छ्यायी। उंक पडौस मा रैवासर कन ह्वाळी एक विकलांग महिला कैलाश न उंसे सपंर्क करी कन बतै कि उंते 52 हजार रूप्यों बिल भिजे ग्यायी। सुनील न मामला तै लेकन अदालत दरवज खटखटायी, जख बिटी उंते 18500 रूप्यों का बिजली बिल भरण आदेश दिये गीन।

         येक बाद सुनील बुधवार कुणी अपर बिल क पॉच हजार रूप्या मिलै कन 23 हजार पॉच सौं रूप्यों सिक्का कठ्ठी करी कन बिजली निगम दफ्तर मा पॅहुची ग्यायी। द्वी घंटा तकन लाईन मा खडा खडी रैणा बाद जब सुनील बारी आई त कैशियर न काउंटर पर सिक्कता लीण से मना कर द्यायी। सुनील न बिजली निगम क एसडीओ से संपर्क करी। एसडीओ न ब्वाल कि नियम अनुसार, एक हजार रूप्यों तकन सिक्का ही ले सकदो। सुनील न मामलों की शिकालय सिटी पुलिस थाना, फतेहबाद मा द्याय, अर एसडीओ व काउंटर पर बैठी कर्मचारी दीपक कुमार खिलाफ भारतीय करंसी अपमान कना आरोप लगायी। सुनील न कुछ महीना पैल नगर परिषद मा हाउस टैक्स क 9000 रूप्यों सिक्का रूप् मा ही भरी छेयी। नगर परिषद न यी सिक्का ले ले छ्यायी।

         ये बीच एसडीओ अंकित कुमार न संपर्क कन पर बतै कि उंक समणी दिशा निर्देश छ कि एक बगत मा केवल एक हजार रूप्यों क सिक्का ले सकदो। उन ब्वाल कि कि एक बैंक न उंसे यन बोली कन एक बगत मा एक काउंटर पर एक हजार रूप्यों तकन सिक्का ही जमा ह्वाल, एक हजार से ज्यादा क सिक्का लीण से मना करी दे छ्यायी।

Leave a Reply

Your email address will not be published. Required fields are marked *