ये कुणी बुलदन जननेताः जब ये निर्दलीय नेता की जनसभा मा अयींं भीड़ देखी कन चकरै गे छेयी, इंदिरा गॉधी, लुक्की कन चुपचाप सुणी छ्यायी भाषण

उत्तराखण्ड क चुनावी इतिहास मा 1982 क उपचुनाव जणी क्वी चुनाव नी ह्वायी। एक तरफ वै बगत तत्कालीन प्रधानमंत्री इंदिरा गॉधी त दूसर तरफ पहाड़ी पुत्र हेमवती नन्दन बहुगुणा। काग्रेंस क घोषित उम्मीदवार बतौर चंन्द्रमोहन सिहं नेगी समणी छ्यायी, लेकिन चुनाव मा प्रतिष्ठा इंदिरा गॉधी से सीध जुड़ी छेयी। दूसर तरफ काग्रेंस छोड़ीकन निर्दलीय चुनाव लड़न ह्वाळ हेमवती नन्दन बहुगुणा क दगड़ मा पूर गढवाळ चुनाव मा खड़ू छ्यायी।
देहरादून क ऐतिहासिक परेड ग्राउण्ड मा बहुगुणा की चुनावी सभा ह्वायी त लोगू इथगा भीड़ लगी कि कखी खुट्ट धना कुणी जगह नी बचीं छेयी। प्रधानमंत्री इंदिरा गॉधी तै काग्रेंस कार्यकर्ता लोगू न जब फीडबैक द्यायी त यन सुणी कन इंदिरा गॉधी भी चौंकी गे छेयी। यन तकन वै बगत छुयीं लगीन कि बहुगुणा क भाषण सुणना खातिर इंदिरा गॉधी लुक्की कन दून आयी। परेड ग्राउण्ड मा एक जगह मा उंक हैलीकॉप्टर उतरी अर वखी उन बहुगुणा कू पूर भाषण सुणीन। काग्रेंस बटी बगावत कन बाद तत्कालीन गढवाळ सांसद हेमवती नन्दन बहुगुणा न 1982 मा पार्टी आर संसद की सदस्यता द्वी छोड़ी दे छेयी। पूर देश की नजर ये 1982 क उपचुनाव पर लगीं छेयी।
एक तरफ सत्ता कू प्रभाव छ्यायी त दूसर तरफ जनता क प्रबल समर्थन। दिलचस्प लड़ै ह्वायी अर हेमवती नन्दन बहुगुणा चुनाव जीत गे छ्यायी। ये से पैलक सियासी घमासान इन घपरोळ मची कि पूर देश ये नतीजू पर करकरो ह्वेकन दिखणा रैन। यन बतै करदन कि जब दून परेड ग्राउण्ड मा या जनसभा रैली ह्वायी त ये बाबत फीडबैक जब इंदिरा गॉधी तै मिली कि इंदिरा गॉधी की सभा ह्वे छेयी। काग्रेंस क वरिष्ठ नेता डॉ आर पी रतूड़ी बतै कि मि तै यी अच्छू से याद च कि बहुगुणा की रैली मा अपार भीड़ उमड़ी छेयी। उ बतै करदन कि भले ही मी काग्रेंंसी छ्यायी लेकिन मे से भी नि रयायी अर मी भी यी जनसभा रैली तै दिखणा खातिर चली ग्यों। वख यन भीड़ लगी छेयी कि आज तकन दुसर भीड़ दिखणा कुणी नी मिली। वै बगत कि जनता अर जननेता येक दूसर खातिर एक रंद छ्यायी, क्या बुन्नी क्या कन्नी पर विश्वास नी करद छ्यायी।

Loading...

Leave a Reply

Your email address will not be published. Required fields are marked *