यमकेश्वर : ग्वालडा गांव मूल रैवासी सुरभी कंडवाल करी क्षेत्र नाम रोशन

सीबीएससी परीक्षा परिणाम ऐन, हर साल जणी ये साल भी नौन्यूं न बाजी मारी, उन बतै कि हुनर कभी लड़का लड़की देखी नी आंद बल्कि हुनर तै सल्याण पड़दू। इनी हुनर तै सल्याणा छन आज हुन्यारी नौनी। आज यी नौनी उं तै जबाब दीणा छन जू बुल्दन कि बिरणी घर की छ। हुणत्यळी डाळी चंचल पात पैली दिखे जंदीन।

यमकेश्वर ग्वालडा गाँव मूल रैवासी अशोक कंडवाल जू अजो सेलाकुई देहरादून मा एक प्रतिष्टित कम्पनी मा कार्यरत उकी सुपुत्री कु0 सुरभी कंडवाल न सीबीएसई की बारहवीं कक्षा मा 93.6 प्रतिशत अंकौं दगड़ी उत्तीर्ण ह्वेकन शिवालिक एकेडमी सेलाकुई अर यमकेश्वर पौडी गढवाळ गौरव बढायीं। शिवालिक एकडेमी स्कूल वाणिज्य वर्ग बिटी से बाहरवी कक्षा उत्तीर्ण की वा अपर सफलता बाबत अपर गुरूजी अर अपर माता पिता तै श्रेय दींद जौन हर बगत साथ द्यायी अर मेरी माॅ गृहणी अर पिता एक प्राइवेट कम्पनी मा कार्यरत छन। सुरभी 10वी मा भी 95.8% अंक लेकन अपर प्रतिभा साबित करी छेयी। सुरभी न बते कि मी रोज 5 से सात घंटा पढै करदी अर तनाव कम कना बाबत गाणा सुणन पंसद करद। जैसे पढै दगड़ी मनोरंजन भी ह्वे जांद। अर ऐथर जैकन वा सीए कोर्स करी कन अपर भविष्य तै बुलन्दी तकन लिजाण बाबत अभी से मेहनत कना छ। वीन ब्वाल कि सीए करी कन अपर बिजनेस शुरू कन चांद ताकि अपर क्षेत्र लोगू तै रोजगार मिल सको।

Loading...

Leave a Reply

Your email address will not be published. Required fields are marked *