पाक से बदला लीण पर पुलवामा मा शहीद वीरेन्द्र की वीरांगना घरवळी न भारतीय सेना कुणी भेजी यू रंत रैबार, जाणी कन तुम भी वीरागनां की यीं बात पर फक्र ह्वाल

पाकिस्तान मा घुसीकन उंकी आंतकियूं तै मारी त सुणी कन अर टीवी मा देखीकन संतुष्टि मिली। बदलू त लियाल लेकिन पूरी संतुष्टि तब्बी मिलली जब वख घुसी घुसी कन सब्बी आंतकियूं तै खत्म कर दिये जाल। पाकिस्तान क पीओक मा बम डाळी कन जैश क आतंकियूं क किलों तै तबाह करण की खबर मिलदी पुलवामा हमला मा शहीद वीरेन्द्र सिंह राणा क परिजनू क चेहरा पर संतुष्टि क भाव साफ नजर आणा रैन।
शहीद की घरवळी वीरागंना रेनू देवी न भारतीय सेना कुणी सलाम करी अर रंत रैबार पैटायी कि पाकिस्तान मा घुस घुसीकन आतंकियूं तै होर मारो। खत्म करी द्याव सब्बी आतंकियूं तै। मगंलवार सुबेर जनी टीवी मा पुलवमा हमला क बदलू मा पाक अधिकृत कश्मीर मा घुसीकन आतंकियू क अड्डो पर हमला की खबर आण लगी, मोहम्मदपुर भुडिया स्थित शहीद वीरेन्द्र राणा क परिजन भी खबरों तै लेकन उत्सुक छ्यायी।
घऽर मा आण ह्वाळ रिश्तेदार, पडौसी, परिजन बदला की कार्रवायी शुरू हूण की छंवी लगणी रायी। बदलू लीण की काररवे पर अपर प्रतिक्रया देकन शहीद वीरेन्द्र की घऽरवळी रेनू देवी न ब्वाल कि खबर ऐ ग्यायी कि बदलू लियाल, सब्ब आतंकियू तै मारो, पाकिस्तान मा घुस घुसी कन मारो। थुडा संतुंष्टि मिली, लेकिन जिकुड़ी आग तब बुझली जब सब्बी आतंकियूंत ै पूर खत्म कर द्याल।
वखी शहीद क पिता दीवान सिंह राणा ब्वाल कि बदलू लियाल पाक मा घुसी कन यूं तै मारो, मसूर अजहर भी नी बचण चियांद। शहीद भुला राजेश सिंह राणा ब्वाल कि न ता राल बांस अर ना रैली मुरली, खत्म करी द्याव, नेस्तानाबूत कर द्याव, आंतकियूं किला तै। जम्मू कश्मीर मा धारा 370 तै भी खत्म कर द्याव। गौं रैवास्यूं रामेश्वर सिंह राणा भी अफू तै रोक नी पैन। बोले आतकिंयू तै खत्म कर द्याव।
14 फरवरी कुणी पुलवामा आतंकी हमला मा शहीद 45 सीआरपीएफ क जवान वीरेन्द्र सिंह राणा की शहादत बाद 13वेंं दिन मंगलवार सुबेर साढे दस बजे उंक सामान लेकन उंकी यूनिट अधिकारी प्रेमचंद्र सामान लेकन पौंछी। शहीद की पत्नी रेनू देवी न दोपहर ढाई बजे बतै कि अजों तकन बैग नी खोली। यूनिट अधिकारी सामान देकन बौड़ी गेन। परिजनू क ध्यान भारत सरकार की बदलू लीण काररवै तरफ ध्यान ज्यादा नजर आयी।

Loading...

Leave a Reply

Your email address will not be published. Required fields are marked *