उत्तराखंड पूर्व राज्य सभा सांसद सुषमा स्वराज दिल्ली एम्स मा दिल दौरा पड़न से निधन

उत्तराखंड पूर्व राज्य सभा सांसद सुषमा स्वराज दिल्ली एम्स मा दिल दौरा पड़न से निधन

पूर्व विदेश मंत्री सुषमा स्वराज आज दिल्ली एम्स मा दिल दौरा पड़न से निधन हूण बाद आज भग्यान बणी ग्यायी। भाजपा की वरिष्ठ नेता सुषमा स्वराज न तीन घण्टा पैली कश्मीर बिटी धारा 370 हटण पर प्रधानमंत्री मोदी तै ट्वीट करि कन बधे दे छ्यायी। सुषमा स्वराज भौत दिन बिटी बीमार छेयी। अभी उकि उम्र 67 साल छेयी। भाजपा नेता हर्षवर्धन अर नितिन गडकरी एम्स गेन। अप्रैल 1990 मा राज्य सभा सांसद बणी छेयी, 1996 मा चुनाव जीती कन बाजपेयी सरकार मा सूचना प्रसारण मंत्री बणी, दिल्ली पैल जनानी मुख्यमंत्री भी रायी। मोदी सरकार मा विदेश मंत्री पद पर रैकन विदेश नीति मा भी भौत बडू फैसला लें। ये दौरान उक काम सब्यून बढे करि। उत्तराखंड बिटी भी सुषमा स्वराज 3 अप्रैल 2000 बिटी 2 अप्रैल 2006 तकन राज्य सभा सांसद रायी। उत्तराखंड से उक भौत लगाव छ्यायी। पूर्व प्रधानमंत्री इंदिरा गांधी बाद सुषमा स्वराज भारतीय राजनीति मा दबंग महिला मने जांद।

Leave a Reply

Your email address will not be published. Required fields are marked *