चंट चितवळः मास्टरू भर्ती खातिर मंगयाणा छन फर्जी आवेदन, देखी संभळी कन चंट चितवळ ह्वे कन कर्या आवेदन

उत्तराखण्ड शिक्षा विभाग मा भर्ती खातिर फर्जी आवेदन मंगणा मामला समणी आयी। समग्र शिक्षा अभियान अपर परियोजना निदेशक, डॉ मुकुल कुमार सती मुताबि अजों हाल ही मा इन प्रकार द्वी मामला समणी ऐ गेन। पैल भी इन प्रकरण समणी आण पर यूंकी लिखित शिकैत करे गे छेयी। अब बृहस्पतिवार खुणी कै अजाण आदमी न समग्र शिक्षा कार्यालय मा फोन करी कन बतै कि सर्व शिक्षा अभियान मा नियुक्ति बाबत विज्ञापन निकळूं ।
अपर परियोजना निदेशक मुताबिक समग्र शिक्षा अभियान अजों ढांचा ही पास नी ह्वायी। यन मा समग्र शिक्षा तहत समन्वयक पदौं पर नियुक्ति सवाल ही नी हूंद। उन ब्वाल कि करीब डेढ महीना पैल भी शिक्षक भर्ती फर्जी विज्ञापन मामला समणी ऐ छ्यायी। बरेली बिटी प्रकाशित विज्ञापन मा बुले ग्यायी कि शिक्षा विभाग मा समन्वयक टीचर रखे जाल। उन ब्वाल कि ये प्रकरण की साईबर सेल मा शिकैत करे गे छेयी। जबकि अब फिर समन्वयक रखणा विज्ञापन प्रकाशित हूण बात समणी आणी छ। उन ब्वाल कि मामला जॉच करी कन जरूरी काररवै करे जाली।

Leave a Reply

Your email address will not be published. Required fields are marked *