गौं उकाळी उंदारियूं बाट हिटद हिटद, पौंछी ग्यायी दिल्ली संसद तकन

ब्याळी 2019 लोकसभा चुनाव नतीजा ऐन, मोदी प्रचण्ड जनमत मा उत्तराखण्ड लोक सभा गढवाळ सीट बटी तीरथसिंह रावत तै गढवाळ जनता चुनी कन दिल्ली संसद मा भेजी याल। गौ उकाळी उंदारिं बाट हिटण, रूड़ी सी घाम, अर ह्यूदया सी जड्डू मा भी हिटदी रैन, उंक धैर्य सहनशीलता, कर्मठ, कार्यकर्ता की उंक बिसात तै होर मजबूत बणायी। अभाविप कार्यकर्ता रूप मा राजनीति शुरू कन ह्वाळ तीरथ रावत अभिभाजित उत्तर प्रदेश अर वैक बाद उत्तराखण्ड राजनीति मा उंक विशेष दखल रायी।
जिला पौड़ी गढवाळ कल्जीखाळ प्रखण्ड क सीरों गौं मूल रैवासी तीरथ रावत की राजनीतिक सफर भी काफी संघर्षपूर्ण रायी। स्व0 कलम सिंह रावत कणसू नौन तीरथ न गढवाळ विवि0 क विडला परिसर श्रीनगर बटी राजनीति शुरू करी। साल 1992 मा उ सबसे पैल अखिल भारतीय विद्यार्थी परिषद तरफ बटी गढवाळ बिडला परिसर श्रीनगर के छात्रसंघ अध्यक्ष पर तै चुनाव लड़ी अर जीति गेन। येक बाद उ अभाविप क प्रदेश संगठन मंत्री भाजयुमा मा प्रदेश उपाध्यक्ष अर राष्ट्रीय कार्यकारिणी सदस्य रैन। साल 1997 मा उ उत्तर प्रदेश विधान परिषद सदस्य निर्वाचित ह्वेन। उत्तराखण्ड राज्य बणन बाद साल 2000 मा राज्य की अंतरिम सरकार मा तीरथ सिंह रावत उत्तराखण्ड क पैल शिक्षा मंत्री बणीन। साल 2007 मा भा प्रदेश महामंत्री, प्रदेश सदस्यता प्रमुख, आपदा प्रबन्धन, सलाहाकार समिति क अध्यक्ष चुने गेन। साल 2012 मा चौबट्टा खाळ बटी विधायक बणन बाद साल 2013 मा उंते भाजपा प्रदेश अध्यक्ष बणे दिये ग्यायी। साल 2017 मा सिंटिंग विधायक हूण बावजूद भी टिकट कटण बाद पार्टी न उंते राष्ट्रीय सचिव की जिम्मेदारी सौंपी। वर्तमान मा तीरथ हिमाचंल प्रदेश प्रभारी जिम्मेदारी भी संभाळी। राम जन्म भूमि आंदोलन मा द्वी मैना तकन जेल मा रैन। तीरथ रावत न राज्य आदांलन का सक्रिय भूमिका भी निभाई।

Loading...

प्रदेश अध्यक्ष, प्रत्याशी अर प्रभारी रूप मा द्यायी शत प्रतिशत परिणाम

नवनिर्वाचित गढवाळ सांसद तीरथ सिंह रावत न प्रदेश अध्यक्ष , प्रभारी अर प्रत्याशी रूप् मा शत प्रतिशत परिणाम देन। तीरथ तै साल 2013 मा भाजपा क उत्तराखण्ड प्रदेश अध्यक्ष जिम्मेदरी मिली। 2014 लोकसभा चुनाव 2019 मा पार्टी न तीरथ तै गढवाळ सीट बटी प्रत्याशी बणये जाण दगड़ी ही हिमाचंल प्रदेश प्रभारी का दायित्व भी संभाळी। उन अपर जीत दगड़ी हिमाचंल प्रदेश की चरी सीट जितै कन पार्टी मा अफी ही अपर कद तै होर बड़ू करयाल।

Loading...

Leave a Reply

Your email address will not be published. Required fields are marked *