सरकार न टिहरी राजपरिवार तै द्यायी बदरीनाथ धाम खुलण अधिकार, आज ल्याल फैसला

बदरीनाथ धाम किंवाड़ खुलन व्यवस्था अर नै दिन वार तय कन क अधिकार सरकार टिहरी राज परिवार तै द्याणा छ। मंत्री परिषद बैठक मा यी निर्णय लिये ग्यायी । राज परिवार अजों वर्तमान रावल बिटी पूजा अर्चना कराण बाबत तारीख तै भी परिवर्तित कर सकद या पूजा अधिकार स्थानीय बा्रहमण तै भी दे सकद। केदारनाथ धाम मा भी रावल प्रतिनिधि जरिया पूजा कराण विकल्प खोली रख कन रख्यूं छ।
सरकारी प्रवक्ता न बतै कि केदारनाथ रावल तै लाण प्रयास करयाणा छ। केन्द्र सरकार अर केरल सरकार तै ये बाबत चिठ्ठी भिजे ग्यायी। उंते सड़क रस्ता उत्तराखण्ड आणा की अनुमति मंगे ग्यायी। लेकिन ये मा पेंच या छ कि दूसरे राज्य आण पर सरकार उंते 14 दिन क क्वारंटीन मा रखण ह्वाल। ये मा आणा क भी ज्यादा फैदा नी मीलल। मंदिर समिति अर शास्त्रों व्यवस्था अनुसार निर्णय लिये जाल।

बदरीनाथ धाम बाबत फैंसला राज परिवार तै दीण निर्णय लिये ग्यायी। दरअसल, यख भी रावल आण पर उंते 14 दिन क क्वारंटीन जरूरी ह्वाल। यन मा कपाट खुलणा अर रोज पूजा अर्चना कना वैकल्पिक व्यवस्था कन पड़ली। यन मा बदरीनाथ धाम बाबत व्यवस्था करे जाव, ये खातिर टिहरी राजा बिटी सला मसौरा करे जाल। उंकी तरफ बिटी जू व्यवस्था करे जाली, वै हिसाब से सरकार कदम उठाली।

आज पैटी जाल केदारनाथ धाम रावल
पर्यटन अर धर्मस्व मंत्री सतपाल महाराज न बतै कि केदारनाा धाम रावल 1008 भीमा शंकर लिंग महाराष्ट्र नादेंड़ बिटी उत्तराखण्ड खुणि शुक्रवार दिन पैटी जाल। श्री बदरीनाथ धाम रावल ईश्वर प्रसाद नंबूदरी तै भी केरल बिटी लाण प्रयास चलणू छ। मुख्य सचिव तरफ बिटी केरल मुख्य सचिव अर केन्द्र सरकार बाबत चिठ्ठी भिजयाणा छ, ताकि उंते भी उत्तराखण्ड आणा मंजूरी मिल सकों।

Loading...

Leave a Reply

Your email address will not be published. Required fields are marked *