थाईलैण्ड मा पत्यूड़ अर मरसू पकौड़ी रस्याण , रोशन रतूड़ी न करी विडियो शेयर

पत्यूड़ सुणी सब्यूं गिच्चू मा तर्र पाणी एै गे ह्वाळ। अब हमर उत्तराखण्डी गढवळी रसस्याण ना सिरफ राज्य या देश मा बलकण विदेशू मा भी लोग खूब टपकरी ल्याणा छन। यनी एक खबर हम तुम तै बतौणा छवां। उत्तराखण्ड समाजसेवी रोशन रतूड़ी थाईलैण्ड जयूं च। तुम लोग यन सूणी कन कन्दुड़ू खड़ कर देली कि थाईलैण्ड मा उत्तराखण्ड रैवास्यूं होटल छन। यख बणन ह्वाळ उत्तराखण्ड रस्याण सब्यूं तै खूब हत्थ चट चटी खाणा छन। रोशन रतूड़ी ये बाबत येक विडियो खूब वायरल हूण च। यख पत्यूड़ मरसू पकौड़ी अर कपली जणी चीज होटल मा दिखण कुणी मिलणू। रोशन रतूड़ी नौ इथगा ह्वे ग्या कि जब उ वख पौंछीन त उत्तराखण्डी लोगून उंक प्रधानमंत्री जणी स्वागत करी। यन बतै दिवां कि रोशन रतूड़ी अर्जुन बिष्ट तै न्याय दिलाणा खातिर जापान जाणा तैयरी मा छन। थाईलैण्ड पूर गढविळयूं की टोली बसीं। यख क्वी टिहरी, क्वी पौड़ी रूद्रप्रयाग अर चमोली, नैनीताल, अल्मोड़ा रैवासी छन। यी सब्ब उत्तराखण्डी बणी कन एक ह्वे कन यख रै करदन। जब यूंक दगड़या अर हीरो रोशन रतूड़ी वख पौंछी त बस यी त फुदयांनाथ बणी गेन। उत्तराखण्ड यूं शैफ अपणू उत्तराखण्डी रस्याण बणै कन लोगू तै अपणू बणयू।

Loading...

Leave a Reply

Your email address will not be published. Required fields are marked *