थल नदी गिंदी कौथिग मा उदयपुर पट्टी जीती

थल नदी िंगदीं कौथिग ये साल पंवाड़ यमकेश्वर विधायक ऋतु खण्डूरी भूषण अर सामाजिक कार्यकर्ती उषा भट्ट न सयुंक्त रूप मा करी। लगभग 150 साल पुरण ऐतिहासिक अर सांस्कृतिक धरोहर बतौर मनये जाण ह्वाळ हर साल मकरैण दिन अजमेर अर उदयपुर पट्टी बीच गिंदी खिले जांद। निर्णायक समय मा जै पक्ष हिस्सा मा गिंदी जांद वै पक्ष जीत ह्वे करदी। द्वी साल पैल मुख्यमंत्री न ये कौथिग तै राजकीय घोषित करी छ्यायी।
सैलजा सामाजिक समिति पौड़ी न रंगारंग सांस्कृतिक कार्यक्रम उरैंन जैसे कौथीगेर बौत खुश ह्वेन। हास्य कलाकार राजेश जोशी न कौथिगेरौं खूब मनोरंजन करी। येक दगड़ी स्थानीय कलाकारौं न अपरी प्रस्तुति द्यायी। ये कार्यक्रम मा गेंद मेला समिति अध्यक्ष अनिल नेगी, योगी आदित्यनाथ पिताजी श्री आनंद सिंह बिष्ट, ज्येष्ठ प्रमुख दिनेश भट्ट, ब्लॉक प्रमुख दुगड्डा रूचि कैन्तुरा, जिला पंचायत उमरोली, आरती गौड अर पूर्व ज्येष्ठ प्रमुख यमकेश्वर, विनोद डबराल यी सब्बी उपस्थित रैन।

Leave a Reply

Your email address will not be published. Required fields are marked *