दुखद खबर : बरातियूं कार दुर्घटना ग्रस्त, तीन लोगू उखमी चित्त एक घैल

टिहरी गढवाळ बिटी आज नखरी खबर आणा छ। बतयाणा छ कि टिहरी जिला भिलगंना ब्लॉक मा एक बड़ू हादसा ह्वे ग्यायी। दुर्घटना मा सवार तीन लोगू उखमी चित्त ह्वे गीन, जबकि एक घैल ह्वे ग्यायी। घैल तै इलाज बाबत अस्पताळ मा भर्ती करये ग्यायी। यी सब्बी लोग ब्यौं मा जाणा छ्यायी।

दरअसल भिलंगना ब्लॉक बूढाकेदार क्षेत्र मा मारवाड़ी गॉव सड़क पर बरात जाणी छेयी,जैमा एक ऑल्टो कार मंगलवार दुफरा मा लगभग पौणे तीन बजै अनियिंत्रित ह्वेकन बालगंगा नदी किनर भ्याळ मा लमड़ी ग्यायी। हादसा मा तीन लोगू मौका पर ही मोत ह्वे ग्यायी, जबकि एक घैल ह्वे ग्यायी। मृतकौं पहचान मोहन लाल, सोहन लाल, रामलाल रूप मा ह्वायी। यी सब्बि लोग भेटी गौं बिटी कोट गौं शादी मा जाणा छ्यायी।

चौथ घैल आदमी की अजों तकन पछाण नी ह्वै साकी। वै तै सामुदायिक स्वास्थ्य केन्द्र बेलेश्वर मा भर्ती करे ग्यायी। पुलिस मुताबिक कार सड़क बिटी लगभग डेढ सौ मीटर तळ भ्याळ मा लमड़ी ग्यायी। हादसा खबर सुणदी ही भेटी गॉव मा मातम पसरी ग्यायी। सूचना मिलण पर एसडीमए शिवचरण द्विवेदी मौका पर जाणा बाबत रवाना ह्वे गीन।

Loading...

One thought on “दुखद खबर : बरातियूं कार दुर्घटना ग्रस्त, तीन लोगू उखमी चित्त एक घैल

Leave a Reply

Your email address will not be published. Required fields are marked *