दुःखद खबर- ग्राम प्रधान ग्यारह साल नौनी तै मैसाख बाघ न मारी द्याय

गोपेश्वर:- चमोली जिला नारायणबगड़ विकास खंड क गैरबारम गांव ग्यारह साल नौनी तै गूलदार न मारी । सोमवार ब्यखन बगत यी हादसा ह्वाई। गैरबारम ग्राम प्रधान नौनी मैसाख गुलदार शिकार बणी।

ये इलक मा आदमखोर गुलदार शिकार बणन ह्वाल या दूसरी घटना छ। ये से पैल गुलदार न ग्राम पंचायत त्यूला क मगेटी तोक मा एक नेपाली मूल बच्चे तै अपर निवाला बणे दे छ्यायी। वेक कुछ दिनों बाद मगेटी मा ही ये गुलदार न एक युवती क भी शिकार कन क असफल प्रयास करी छ्यायी।

वख बिटी मिली जानकारी अनुसार सोमवार ब्यखन बगत सात बजे ग्राम पंचायत गैराबारम क देवेन्द्र सिंह. की 11 साल नौनी दृष्टि तै गुलदार न अपर निवाला बनायी। ये इलके राजस्व उपनिरीक्षक विनोद कुमार न घटना पुष्टि करी कन बतायी कि उ तै गांव लोगू न घटना की जानकारी द्याय अर बतायी कि ग्रामीणों क हो हल्ला अर काफी खोजबीन बाद नौनी लाश बरामद कर लिये ग्यायी।

यी घटना सूचना मिलद ही पूर विकास खंड मा शोक जणी ह्वे ग्यायी। ये दगड़ी गैराबारम क्षेत्र मा लोगू मा दहशत बणी छ। वखि वन विभाग प्रति जनता आक्रोशित छ । दूसर तरफ वन विभाग न ये गुलदार तै मैसाख घोषित कन की कार्यवाही शुरू कर द्यायी।

Loading...

Leave a Reply

Your email address will not be published. Required fields are marked *