एम्स ऋषिकेश मा आज तीन लोगू कोरोना पॉजिटिव रिपोर्ट आयी

अखिल भारतीय आयुर्विज्ञान संस्थान एम्स ऋषिकेश मा शुक्रवार कुणी तीन लोगू की रिपोर्ट कोविड पॉजिटिव आयी। जैमा द्वी पेशेंट ऋषिकेश अर आसपास क रैवासी छन।। जबकि तीसर बिजनौर यूपी रैवासी छ । यी तीनी लोग पिछल 4 जून कुणी एम्स की कोविड स्क्रीनिंग ओपीडी मा परीक्षण बाबत ऐ छ्यायी। संस्थान बिटी येकी सूचना स्टेट सर्विलांस ऑफिसर तै दे दिए ग्यायी। एम्स संस्थान क जनसंपर्क अधिकारी हरीश मोहन थपलियाल न बतायी कि कोविड पॉजिटिव अया तीन मनन द्वी मरीज एसिम्टमैटिक ( जै पर रोग क्वी लक्षण नि दिखे करदन ) छन।

उन बतायी कि पैल केस नजीबाबाद, बिजनौर उत्तरप्रदेश निवासी 40 वर्षीया महिला छ, जू पिछल 4 जून कुणी एम्स ओपीडी मा जांच बाबत ऐ छेयी, जख ईक कोविड सैंपल लिये गे छ्यायी, गया एसिम्टमैटिक पेशेंट छ, जौक सैंपल शुक्रवार कुणी पॉजिटिव आयी। उन बतायी कि या महिला एम्स मा भर्ती अपर एक रिश्तेदार अटेंडेंट छ। दूसरा पेशेंट तपोवन, मुनिकीरेती रैवासी 24 वर्षीया युवती छ, ज्वा एम्स अस्पताल मा भर्ती अपर पेशेंट की अटेंडेंट छ। युवती 4 जून कुणी एम्स ओपीडी मा सैंपल लिये गे छ्यायी , ज्वा कि पॉजिटिव आयी। जबकि तीसर पेशेंट श्यामपुर बाईपास,ऋषिकेश निवासी 48 वर्षीय पुरुष छ, जू कि पिछल 3 जून कुणी गुजरात बिटी ऋ​षिकेश लौटी छ्यायी अर होम कोरंटाइन पर छ्यायी। स्वास्थ्य संबंधी दिक्कत हूँण पर यी आदमी 4 जून कुणी एम्स स्क्रीनिंग ओपीडी मा जांच बाबत ऐ छ्यायी, जख वेक सैंपल लिये ग्याय , जू कि कोविड पॉजिटिव आयी। उन बताया कि तीनि कोविड पॉजिटिव मरीजू बाबत ब एम्स संस्थान तरफ बिटी स्टेट सर्विलांस ऑफिसर तै अवगत कर दिये ग्यायी।

Loading...

Leave a Reply

Your email address will not be published. Required fields are marked *