पर्यटन क्षेत्र मा स्थापित हूणा छन्न नित नै आयामः महाराज

*पर्यटन क्षेत्र मा स्थापित हूणा छन्न नित नै आयामः महाराज*

देहरादून। प्रदेशवासियों तै उत्तराखंड राज्य स्थापना दिवस अर दीपावली की शुभकामनाएं देकन प्रदेश क पर्यटन सिंचाई अर संस्कृति मंत्री श्री सतपाल महाराज न ब्वाल कि उत्तराखंड राज्य क शहीदों क सपनों तै साकार करी कन आज राज्य विकास क रोज नै आयाम पाणा च ।
पर्यटन सिंचाई अर संस्कृति मंत्री श्री सतपाल महाराज न ब्वाल कि राज्य मा पर्यटन तै बढावा दींण खातिर सरकार लगातार नई पर्यटन डेस्टिनेशन विकसित कन मा मलगी छ। प्रदेश क पर्यटन विभाग ऐडवेंचर टूरिज़्म दगड़ी धार्मिक पर्यटन तै बढ़ावा दीण बाबत महाभारत सर्किट, रामायण सर्किट अर दैवीय सर्किट तै विकसित कना बाबत निरन्तर प्रयत्नशील छ। पर्यटन मंत्री श्री सतपाल महाराज न ब्वाल कि कोविड-19 बाद उत्तराखंड अया प्रवासियों खातिर वीर चंद्र सिंह गढ़वाली स्वरोजगार योजना क अंतर्गत निजी व्यवसाय कन ह्वाल कुणी पर्यटन विभाग न आसान ऋण का प्रावधान करी। उन बतायी कि विश्व क सबसे लंबू 5 रोपवे मनन एक देहरादून बिटी मसूरी जैकी लागत 300 करोड़ छ पीपी मोड मा विकसित करयाणा छ। मसूरी स्थित जॉर्ज एवरेस्ट हाउस क जीर्रणोद्वार करी कन वै तै उसे हेरिटेज पर्यटन डेस्टिनेशन क रूप मा विकसित करयाणा छ। श्री महाराज न बतायी कि टिहरी झील तै पर्यटन दृष्टि से विकसित कन क प्रयास लगातार चलणा छ। राज्य क सभी जनपदों मा थीम बेस्ड नए गंतव्य स्थल विकसित करयाणा छ र। टिहरी मा वाटर स्पोर्ट्स डेस्टिनेशन थीम विकसित कन बाबत कंसलटेड भी नियुक्त कर दिये ग्यायी।

   श्री सतपाल महाराज न ब्वाल कि प्रदेश मा पलायन रुकण क उद्देश्य से “पंडित दीनदयाल उपाध्याय गृह आवास (होम स्टे) विकास योजना” प्रारंभ करे ग्यायी। येक तहत प्रदेश क निवासियों तै अनुदान दिए जाण क प्रावधान करे ग्यायी येक अंतर्गत 2353 होमस्टे अभी तक पंजीकृत करे गीन। उन बताई कि प्रदेश क चार धामों बद्रीनाथ, केदारनाथ, गंगोत्री अर यमुनोत्री क व्यवस्था तै दुरुस्त कन बाबत उत्तराखंड चार धाम देवस्थानम प्रबंधन बोर्ड क गठन करे ग्याय। पर्यटन मंत्री श्री सतपाल महाराज न ब्वाल कि कोविड-19 क कारण प्रदेश में होटल इंडस्ट्री क सम्मुख बडू संकट छ। सरकार होटल उद्योग से जुड़े सभी स्टेकहोल्डर तै पूरा सहयोग दीण कुणी प्रतिबद्ध छ।

उत्तराखंड मा जड़ी बूटियों अर मसालों क भंडार च जू अपर चिकित्सीय गुणों बाबत भी मने जांद। ऋषि-मुनि अर आयुर्वेद क जानकार सदियों से येक उपयोग करी कन आणा छन। अपर कुमांऊनी अरर गढ़वाली व्यंजनों की समृद्ध विरासत दगड़ी हम “हिमालयन इम्यूनिटी क्वीजी़न” क नाम से प्रदेश तै “खानपान पर्यटन केंद्र” क रूप मा भी विकसित कन का प्रयास कना छन । उन ब्वाल कि हमर पारंपरिक भोजन जन “चून की रुटी”, लिंगुड़ बुज्जी स जू कि प्रोटीन अर अन्य जरूरी पुष्टि कारक तत्वों से भरपूर ह्वे कर दन उ पर विशेष ध्यान दियाणा । सौंग, जमरानी समेत अनेक बहुआयामी योजनाओं पर काम चलणा। सिंचाई मंत्री न ब्वाल क कि कुछ नै झीलों तै विकसित कन प्रयास भी फबण लगी ग्यायी । प्रदेश क संस्कृति तै बढ़ावा दीण बाबत कलाकारों तै मानदेय अर यात्रा भत्तों मा दुगनी वृद्धि करे ग्यायी ।
श्री महाराज न प्रदेश वासियों से आग्रह करी कि उ कोरोना संक्रमण काल मा सोशल डिस्टेंसिंग क पालन करी कन मास्क अर सैनेटाईजर क प्रयोग कर यी महामारी से लड़न मा सरकार क सहयोग करी

*निशीथ सकलानी*
मीडिया प्रभारी, श्री सतपाल महाराज जी, माननीय मंत्री पर्यटन, सिंचाई, धर्मस्व एवं संस्कृति, उत्तराखंड सरकार।

Loading...

Leave a Reply

Your email address will not be published. Required fields are marked *