ये कुणी सैद चमत्कार बुलदीन, कार भ्याळ मा पड़न से डाळ पर रूकी, चार लोगू जान बची बाल बाल,

सैद ये कुणी चमत्कार बुले जाल कि भ्याळ मा लमड़दी कार अचाणचक रूक ग्यायी अर डाळ पर अटकी ग्यायी। ये मा चार पर्यटकू की जान बची ग्यायी।


अजकली दिनूं मा चकराता की डांडी कांठी ह्यूं पड़न से लकदक हुयीं छन। वखी सड़क्यूं पर ह्यू ंजमण से अब उ खतरनाक हूयां छन। ह्यूं अर पाळू पड़न से सड़क पर गाड़ी फिसलणा छन। सेलाकुई रैवासी संजय, ज्ञान चंद कटियार, रैवासी महिसपुर, बिजनौर उत्तरप्रदेश, रशीद मसूद अर करीम मिर्जा रैवासी सेलाकुई कार मा बर्फबारी क मजा लीणा खातिर चकराता अयां छ्यायी।

Loading...


देर श्याम तै कार बटी अपर घऽर कुणी बौडणा छ्यायी। ये दौरान चकराता- लाखामंडल सड़क पर सप्लाई समणी उंकी कार बर्फ मा फिसल ग्यायी अर सडक किरन भ्याळू तरफ लुढ़कण लगी ग्यायी। ये दौरान कार एक बड़ डाळू पर टकरै कन रूकी ग्यायी। अगर डाळ नी हूंद त कार सौ मीटर तळ गैरू भ्याळ मा जैकन समांदी, जै से बड़ू हादसा ह्वे सकदू छ्यायी। कार मा बैठ्यूं सजंय रैवासी सेलाकुई पर मामूली चोट अयीं, जबकि होर तीन लोग राजी खुशी छन। एसडीआरएफ टीम न कार तै सड़क तक खींची। येक बाद संजय तै सीएचसी लेकन गेन। जख उपचार बाद उं तै छुट्टी दिये ग्यायी। थानाध्यक्ष चकराता अनूप नयाल न बतै कि हादसा मा बाल बाल बच्यां पर्यटकू मा एक तै मामूली खरोंच अयीं छेयी, अब चरी अपर घऽर चली गेन।

Loading...

Leave a Reply

Your email address will not be published. Required fields are marked *