दर्दनाक हादसाः सेना ट्रक चपेट मा आयी बाईक सवार, उखमी दर्दनाक मौत

चंपावतः जब बिटी लाॅकडाउन खुली तब बिटी सड़क दुर्घटना मामला बढी गीन। उत्तराखण्ड मा हर दुसर दिन दुर्घटना हूणी छन। शैद ही इन क्वी दिन ह्वाल जै दिन सड़क दुर्घटना नी ह्वे ह्वेली अर कैख जान नी गे ह्वेली। वखी मंगलवार कुणी चंपावत जिला बिटी नखरी खबर आणा कि वख एक सड़क हादसा ह्वे ग्यायी। एक बाईक सवार सेना ट्रक चपेट मा ऐकन बाईक सवार युवक मौका पर ही मौत ह्वे ग्यायी। हादसा सूचना मिलण बाद दुर्घटनास्थल पर पौछी पुलिस न मृतक शव तै लेकन पोस्टमार्टम खातिर भेजी द्यायी।

    जाणकारी अनुसार राज्य चम्पावत जिला लोहाघाट क्षेत्र मा राईकोट महर रैवासी 18 बरसू युवक सागर कुमार नौन गोपाल राम आज सुबेर पाटन पुळ बिटी अपर गाॅव पौंछ पांद वैक बाईक पिथौरागढ तरफ बिटी आण ह्वाळ सेना क एक ट्रक चपेट मा ऐ ग्यायी। बाईक ट्रक तळ छीरी ग्यायी अर सागर न मौका पर ही दम तोड़ द्यायी। मृतक सागर पाटन पुळ समणी स्थित एक दुकान मा काम करदू छ्यायी। वखी हादसा खबर बाद मृतक परिजनौ रोय रोय कन बुरू हाल हुणा छन।

Loading...

Leave a Reply

Your email address will not be published. Required fields are marked *