02 साल बच्चा समेंत वैक ददा अर परददा कोरोना पाॅजीटिव हूण से एम्स ऋषिकेश कोविड वार्ड मा भर्ती,

एम्स ऋषिकेश मा पिछल 24 घंटा मा 02 लोगू कोविड सेंपल रिपोर्ट पाॅजीटिव आयी। ये बाबत संस्थान तरफ बिटी स्टेट सर्विलांस आफिसर तै सूचित कर दिये ग्यायी।

        एम्स जनसंपर्क अधिकारी हरीश मोहन थपलियान न बतै कि संस्थान मा करे जाण ह्वाळ संेपलिंग मा 02 लोगू रिपोर्ट कोविड पाॅजीटिव पये ग्यायी। उन बतै कि वीरभद्र माग्र टिहरी विस्थापित क्षेत्र रैवासी एक 02 साल नौन पिछल 9 जुलाई कुणी बुखार शिकैत दगड़ी एम्स ओपीडी मा आयी, जख नौन सेंपल लिये ग्यायी। जैक रिपेार्ट आज शनिवार कुणी पाॅजीटिव आयी। बतयाणा छ कि ये बच्चा ददा अर परददा पैली कोविड संक्रमित हुयां छन जौंक एम्स ऋषिकेश मा कोविड वार्ड मा इलाज चलणू, संभवतः यी बच्चा उंक सम्पर्क मा आण से संक्रमित ह्वे ह्वाल।

       वखी दूसर मामला रूड़की रैवासी 52 साल आदमी जैतै राजकीय चिकित्सालय रूड़की बिटी 9 जुलाई कुणी एम्स ऋषिकेश रेफर करे गे छ्यायी, जै तै बुखार अर खांसी शिकैत छेयीं। वैक भी 9 जुलाई कुणी कोविड सेंपल लिये ग्यायी अर वै ते अस्पताळ मा भर्ती कर दिये ग्यायी, जैक रिपोर्ट आज पाॅजीजिट आयी। उन बतै कि संबंधित मामलों बाबत स्टेट सर्विलांस आॅफिसर तै सूचित कर दिये ग्यायी।

      सुखद [खबर या भी छ कि एम्स मा मरीजू रिकवरी दर 82 फीसदी पंहुची ग्यायी, जख 163 मनन 133 मरीज स्वस्थ ह्वे कन राजी खुशी घर चली गीन अजों एम्स मा कोरोना अब 20 एक्टिव केस ही रयां छन। खास बात या भी छ क्वी भी मरीज वेंटिलेटर पर नी छ।

Loading...

Leave a Reply

Your email address will not be published. Required fields are marked *