सवरयूं भरी टाटा सूमो गाड़ी बर्फ वजह से फिसली ग्यायी, पिलर न बचाई 12 सवरियू जान

प्रदेश मा हुई बर्फबारी कारण लोगू तै  मुसीबतों उठाण पड़ना च। ब्याळी शुक्रवार कुणी कैंपटी रोड पर जीरो प्वांइट समणि  बर्फ क फिसलन से एक गाड़ी अनियंत्रित ह्वे कन  सड़क किनर लटकी ग्यायी। गनीमत यन समझो की  भ्याळ मा पड़न से पैली किनर पर खडू पिलर क सार पर रूक ग्यायी। जैसे बडू हादसा हूणं से टळ ग्यायी, वखि ये दौरान गाड़ी मा बैठी सवारियूँ क होश उड़ी गीन। मौका पर क्रेन की मदद से सूमो तै सड़क पर लये ग्यायी।

जाणकारी  मुताबिक एक सूमो करीब 12 सवरी लेकन मसूरी बटी कैंपटी जाणी छेयी। ये दौरान मसूरी-कैंपटी रोड पर जीरो प्वांइट क समणि  सूमो अचाणचक बर्फ मा फिसलण से अनियंत्रित ह्वे ग्यायी अर पिलर से जैकन रूक ग्यायी। ड्रेवर की सूझ-बूझ से सूमो खाई मा पड़न से  से बच ग्यायी।  सूमो क फिसलण से सवरियूँ मा हललारोळी  मच ग्यायी. बाद मा स्ठानीय लोगू  मदद से सब्बि सवरियूं तै सकुशल भैर निकाळी। जैक बाद सवरियूँ न राहत की सांस लेई।

Leave a Reply

Your email address will not be published. Required fields are marked *