मसूरी घूमण कुण जाणा छ्याव त यू द्वी पहाड़ी बेटीयु कैफे मा बैठी कन रस्याण स्वाद ल्याण नी भूलीन

            वन त हमर पहाड़ मा पैली बटी बेटियूं चौक चुल्हा करणा कि पैली से सीख दिये जांद। लेकिन अगर चौक चुल्हा बटी अपणी आमदनी रस्ता भी निकाळी द्याव त ये से बढिया क्या ह्वे सकदू। यन काम कना छन उत्तराखण्ड यी द्वी बेटी। यी द्वी बेटी अपणू पहाडी रस्याण तै लोगू समणी सौरणां छन अर लोग उंगळी चाटी कन रणा छन। देहरादून की द्वी बेटियूं न अपणी कुंगळी हत्थु स्वाद रस्याण अर क्रिऐटिविटी दम पर अपणी पछाण बणयी। यी द्वी अजों फिलहाल मसूरी रोड़ पर कैफे चलाण छन।

            देहरादून की द्वी दगड़याणी अर्चना ग्वाड़ी अर स्वाति डोभाल आज अपणू पहाड़ी हूण पहचाण अपणू बणयू पहाड़ी खाणक रस्याण लोगू तै खलैकन बणाणा छन। आज अपणू ये काम दम पर हर लोगू उ तैं देखीकन बुलदन बेटी ह्वाव त यू जणी ह्वाव। द्वी नौनी बुब्बा शिव प्रसाद ग्वाड़ी अर शंकरदत्त डोभाल तै अपणी नौन्यं पर नाज च अर बुलदन कि हमरी बेटी कै नौन से कम नी छन। अब हम अदांं कि यून यी काम कनमा शुरू करी । यूंकी किस्सा कुच्छ इन च। पडिंतवाडी रैवासी अर्चना अर डिफेन्स कॉलोनी स्वाति मुखाभेट दिसम्बर 2012 मा निर्भय प्रकरण बगत एक मार्च कुणी ह्वायी। द्वीयूं बात विचार ख्याल सोच विचार मिलण जुलण कारण द्वी दगड़याणी बणी गेन। अर्चना एक इटीरियर डिजाईनर अर स्वाति एमबीए करी कन एक कंपनी मा नौकरी कनी छेयी।

              उन बतै कि साल 2014 मा नौकरी छोड़ी कन उन साझू चूल्हू नौ से एक टिफिन सेवा शुरू करी। शुरू मा त बौत दिक्कत ऐन पर बाद मा काम अर बगत न सब्ब सीखै द्यायी। द्वी साल तकन टिफिन काम करी। अब यी द्वी दोस्त मसूरी सड़क पर रिसाईकल नौ से एक कैफे चलाण छिन। जै मा पुरणी अर चुटयीं चीज तै काम मा लैकन बौत भलू अर स्वाणू काम कना छन उन बौत सुन्दर ढंग से सजयूं धजयूं च। कैफे मा टायर पर पेंट करी कन कुर्सी पुरण संदूक अर साईकिल रिम न मेज बणयी।

पहाड़ी खाण-प्याण अर रस्याण तै बढावा द्याणा छन

        एक साल पैल उन ’रस्याण’ नौ से अपणू फूड़ कॉपरेटिव रजिस्टर्ड करी। यी द्वी ये बटी कैंटरिंग काम करणा छन। यी द्वी ख्याळू म्याळू मा जैकन प्रदर्शिनियूं मा जैकन अपणू पहाड खान पान तै बढावा द्याणा छिन। उंक अगल कोशिश पहाड़ी थीम पर बण्यूं रेस्टोरेंंट खुलण क च, जै से पहाड ़रस्याण तै खूब लोग पंसद करों अर लोकप्रियता बढो।

Loading...

Leave a Reply

Your email address will not be published. Required fields are marked *