खबर: स्कूल जांद बगत पुळ बटी नयार नदी मा पड़ी गेन द्वी स्कूलया नौन्याळी, एक मौत अर एक अजो लापता

पौड़ी: थलीसैंण मा सुबेर स्कूल जाण बगत द्वी नौनी पुळ बटी लमडी कन नयार नदी मा बगी गेन। पुलिस अर स्थानीय लोगू की मदद से चलये ग्यायी रेस्क्यू ऑपरेशन क दौरान 17 वरषु अमीषा तै पाणी बटी निकाळीकनग अस्पताल पहुंचये ग्यायी लेकिन वींन हॉस्पिटल मा ही दम तोड़ द्यायी. वखि दूसरी छात्रा नेहा लापता च.
अपर जिलाधिकारी पौड़ी रामजी शरण शर्मा न जाणकारी देकन बते कि 17 साल की अमीषा अर 15 वर्षीय नेहा सुबेर स्कूल जांद बगत लखड़ क खड़जा पुळ बटी नयार नदी मा पड़ी गेन । पाणी बहाव काफी तेज हूण वजह से द्वी पाणी मा बौगी गीन . अमीषा तै स्थानीय लोगू मदद से बचे लिए ग्यायी लेकिन अस्पताल पहुंचद ही वींन दम तोड़ द्यायी. वखि दूसरी नौनी तै खुजण खातिर एसडीआरएफ टीम तै मौके पर भिजे ग्यायी।

उन बतायी कि द्वी नौनी उच्चतर माध्यमिक विद्यालय जिवई मा कक्षा 7 अर 9 मा पढ़दी छेयी. तेज बहाव हूँण से पुलिस टीम एक छात्रा तै ढूंढण असफल रायी. एसडीआरएफ की टीम रेस्क्यू खातिर बुलये ग्यायी। अंधेरू हूणं की वजह से रेस्क्यू रोक दिये ग्यायी. शनिवार कुणी दूबर नाव की मदद से रेस्क्यू शुरू करे जाल.

Leave a Reply

Your email address will not be published. Required fields are marked *