समळौण: सुषमा स्वराज न उत्तराखण्ड यीं जगह तै बतै छ्यायी अपर मैत, लोगू यी बात सुणी कन ह्वे छेयी बौत खुश

केन्द्रीय मंत्री सुषमा स्वराज उत्तराखण्ड से बड़ू लगाव छ्यायी, राज्य सभा संासद जब उ रैन तब ऋषिकेश एम्म सौगात उनी देयी। सुषमा स्वराज तै पर्यटन नगरी रानीखेत से भी बौत लगाव छ्यायी। बात 2002 क छ उबरी उत्तराखण्ड राज्य साल भर क छ्यायी, उत्तराखण्ड राज्य मा पैल विधान सभा चुनाव दौरान यख ऐ छेयी। वा तब केन्द्रीय सूचना प्रसारण मंत्री छेयी। ऐतिहासिक खडी बजार मा भाजपा कार्यकर्ताैं न परंपरागत कुमाउंनी रीवाजू हिसाब से आवाभगत करी। आवा भगत से इथगा खुश है कि उन मुण्ड मा कलश दुगड्डी धरी अर ब्वाल कि रानीखेत म्यार मैत छ।
2002 मा राज्य पैल विधानसभा चुनाव मा बीजेपी तरफ बिटी अजों सांसद अजय भट्ट तब विधायक प्रत्याशी तौर पर रानीखेत बिटी चुनाव लड़ना छ्यायी। पाॅच फरवरी खुणी वै बगत केन्द्रीय सूचना प्रसारण मंत्री सुषमा स्वराज की यख जनसभा हूण तय छ्यायी। जब सुषमा स्वराज मजखाली हैलीपैड मा उतरी अर खड़ी बजार आयीं, कार्यकर्तौ न ताळी बजै कन स्वागत करी। वै बगत विधायक प्रत्याशी अजय भट्ट, रवि मोहन अग्रवाल, राजेन्द्र बिष्ट अर होर कार्यकर्ताैं दगड़ी जनानीयूं न परंपरागत कुमाउंनी पिछौड़ा फहरे कन उंक स्वागत करी। बाद मा उन स्टील कलश भी भेंट करी। सुषमा स्वराज न अपरी ओजस्वी भाषणौं तै सुणीकन मौजूद जनता न खूब ताळी बजेै छेयी, उंक आवाभगत करी छेयी, अब उंक निधन से पूर उत्तराखण्ड मा दुख लहर सी छ।

Leave a Reply

Your email address will not be published. Required fields are marked *