सियाचीन मा तैनात जवान न मार्च मैना मा घर ऐकन बच्चों एडमिशन कना करी छ्यायी घरवळी दगड़ करार, लेकिन वै से पैल आई नखरी खबर

        सियाचीन मा तैनात टिहरी जिला क साबली गौं निवासी जवान की बौत ज्यादा ठंड हूण कारण ऑक्सीजन की कमी वजह से मौत ह्वे ग्यायी। जवान मौत खबर मिलदी ही क्षेत्र मा शोक छयूं छ। चंबा ब्लॉक क साबली गौं रैवासी हवलदार रमेश बहुगुणा (38) नौन स्व0 टीकाराम बहुगुणा फरवरी 2002 मा महार रेजीमेंट मा भर्ती ह्वे छेयी। अगस्त 2019 मा उंकी तैनाती सियाचीन मा ह्वायी।

      31 जनवरी खुणी जवान की तबियत बिगडन लगी त उंते इलाज खातिर 01 फरवरी खुणी चंडीगढ सेना अस्पताळ मा भर्ती करये ग्यायी। तीन दि अस्पताळ मा उपचार दौरान उन सोमवार रात उन आखिरी सांस ल्यायी। जवान मौत खबर मिलदी ही उंक घर अर गौं मा सरा शोक पसरी ग्यायी। तीन भईयूं मा सबसे कणसू नौन हवलदार बहुगुणा अपर पैथर द्वी नौन घरवळी अर ब्वे तै छोड़ी गेन। उंक भैजी दिनेश बहुगुणा न बतै कि रमेश क बीमार हूण सूचना पर चडींगढ गे छ्यायी, जख चिकित्सकौं न रमेश मौत कारण ज्यादा ठंड अर ऑक्सीजन कमी हूण बतै।

     हालांकि ये बाबत सेना तरफ बिटी क्वी अधिकारिक बयान आणा बाद ही मौत कारणौं पता चल सकल। जवान भैजी दिनेश न बतै कि रमेश पार्थिव शरील तै गौं लयाणा छ। आज बुधवार खुणी ऋषिकेश घाट पर हवालदार रमेश बहुगुणा सैनिक सम्मान दगड़ी उंक गत्ति करे जाली।
माईनस 40 डिग्री तापमान ह्वाळ सियाचीन बार्डर पर देश सुरक्षा मा तैनात जवान बेटा शहादत बाद मॉ अर घरवळी सदमा मा छन। हवलदार रमेश न मार्च मा बच्चौ एडमिशन खातिर घर आणा वादा करी छ्यायी। द्वी छ्वट् बच्चों पापा घर बौड़ण इंतजार मा छन। बेटा शहादत खबर सुणदी मॉ सरस्वती देवी सदमा मा छ, वखी घरवळी लक्ष्मी देवी बदहवात स्थिति मा अपर नौन अभिवन अर नौन्याळी वैष्णवी दगड़ी नई टिहरी अपर घर साबली पौछीं ग्यायी। रमेश नौन पैल दर्जा मा अर बेटी एलकेजी मा पढद।

Leave a Reply

Your email address will not be published. Required fields are marked *