उत्तराखण्ड : डेढ साल मा सीएम करी 731 घोषणा नी ह्वेन पूरी, एक घोषणा बीन नदी पुळ भी करीं छेयी , अधिकारियूं जरा येक भी ध्यान रखीन

मुख्यमंत्री करी घोषणौं पर काम तै बगत पर पूर नी कन्न ह्वाळ अधिकारियूं की जबाबदेय तय ह्वेली। मंगळवार खुणि सचिवालय मा मुख्यमंत्री घोषणौं कू क्रियान्वयन्न छांटी निरळी करी कन सीएम त्रिवेन्द्र रावत न करी 45 प्रतिशत घोषणौं पूर नी हूण पर नाराजगी जतै।
सीएम न ब्वाल कि घोषणौं तै शतप्रतिशत क्रियान्वयन्न हूण चियांद। संबंधित विभागूं क सचिच अब रोज येकी निगरानी करली। सीएम न सब्बि विभागू मा रूफटॉप रेन वाटर हॉर्वेर्स्टिंग कन आदेश देन।
छांटी निरळी (समीक्षा) कन मा समणी आया कि मार्च 2018 से लेकन जून 2019 बी मुख्यमंत्री तरफ बटी करी 1641 घोषणौ मनन 910 घोषणौ पर काम पूर करे ग्यायी। सीएम न बकै बचीं घोषणौ पर काम तै निश्चित बगत तकन पूर कन निर्देश देनं, अर ब्वाल कि रूफ ऑप रेन वाटर हार्वेस्टिंग योजना जानकारी सब्बी विभाग एक मैना मा जलसंस्थान तै उपलब्ध करये जाव।
सीएम न ब्वाल कि नदियूं अर पाणि सोतू तै पुनर्जीवित कना योजना मा निर्माण बजाय रिचार्ज पर ध्यान दिये जाव। चारधाम परियोजना तर्ज पर लोग निर्माण विभाग सड़क किनरा जगह जगह पर सुविधा केन्द्र विकसित करो। साहसिक गतिविधियूंत ै निदेशालय कू ढांचा तैयार करे जाव। बैठक मा बतये ग्यायी कि ये साल आखिरी तकन गौरीकुडं जलाशय तै पैल जणी स्थिति मा लये जै सक्यांद। सुरकंडा रोपवे निर्माण शुरू ह्वे ग्यायी। प्रदेश मा पिरूळू कठ्ठी करयाणा छ। बैठक मा मुख्य सचिव, उत्पल कुमार सिंह, अपर मुख्य सचिव ओमप्रकाश समेत होर अधिकारी उपस्थित छ्यायी।

बैठक मा सीएम न यी निर्देश भी देनः-
– हरेला त्यौहार पर पौधरोपण मा सब्बि अधिकारी अर कर्मचारी शामिल ह्वाव।
– हर जिला मा बणये जाण ह्वाळ पार्क तै कलर कल्चर दिये जाव।
– प्रमुख पर्यटन स्थल पर उच्च स्तरीय शौचालय सुविधा विकसित करे जाव।
– होम स्टे योजना नियम अर प्रक्रिया तै सरल करे जाव।
– धनौल्टी ईको पार्क जणी होर जगह मा भी इको पार्क बणये जाव।
– सिचैं की लिफ्ट योजनौ उपयोग पेयजल खुणि भी करे जाव।
– गंगोत्री मा उच्च गुणवत्ता कू घाट, ल्वाली मा झाल निर्माण जल्दी ह्वाव।

Leave a Reply

Your email address will not be published. Required fields are marked *