उत्तराखंडी प्रवासी विशन सिंह बुटोला क वेस्टइंडीज मा आकस्मिक निधन हूणं पर समाज सेवी रोशन रतूड़ी उक परिवार मदद कना खातिर लगें गुहार

एक बार फिर एक गरीब परिवार मदद कना खातिर समाज सेवी दुबई प्रवासी रोशन रतूड़ी न गुहार लगे। उन यी बार ब्वाल की भारतवासी बहुत दिलेर मनखी हूदिन, तभी हमर देश वसुधैव कुटुंबकम की सोच रख दिन। जब भी क्वी गरीब परिवार मुसीबत मा फंस जांद या कै पर नियति की मार पड़ी जांद त  हम सब लोग एक ह्वे कन दुख मा दगड़ मा खड़ू  ह्वे जै करदो, किले की हमरी संस्कृति अर संस्कार कुछ इनि छन। उन ब्वाल कि दगड्यो हमर एक दगड्या विशन सिंह बुटोला जू टिहरी जिला घनसाली क रैवासी छ्यायी उक वेस्टइंडीज क टनैको दिल दौरा पड़न से आकस्मिक निधन ह्वे ग्यायी, जू अपर पैथर तीन नौनी अर एक दुध्याळ नौनु तै घरवली संगीता भरोस पन छोड़िकन भग्यान ह्वे ग्यायी। अब उकी परिवार हालात भौत खराब च, बतायाणा च की तीन मैना बटी उ तै सैलरी भी नि मिली छेयी, अब परिवार अर बच्चों तै पळण समस्या फिलहाल भौत बड़ी च।

उन ब्वाल कि परिवार दगड़ी हम सब लोग खड़ू छवा। दगड्यो बुल्दन कि बूंद बूंद करि कन ही घड़ भर्यान्द। आवा सब मिलीकन ये दुख घड़ी मा परिवार आर्थिक मदद कना खातिर एक जुट ह्वे जाव। इंसानियत खातिर आज तकन आप सब्यूँ न सदनी बडू दिल दिखायी, अब एक बार फिर यूकी मदद कना खातिर निवेदन कनू छौ। मदद कना खातिर स्व0 बिशन सिंह बुटोला की घरवली खाता नम्बर या च।

बैंक का नाम: भारतीय। स्टेट बैंक
खातेदार का नाम : संगीता विशन सिहं बुटोला

खाता नम्बर : (62085284276)
IFSC CODE : SBHY0021095

Leave a Reply

Your email address will not be published. Required fields are marked *