तोर तुरणी (दाळ)

उत्तराखण्ड मा राजमा, गहत या कुलथ, तोर, दाळ ठीक ठाक खेती पाती ह्वे जांद। तोरी दाळ अलग ही सवदी हूंदी। येमा प्रोटीन खूब हूंद। पहाड़ मा ये दाळ तै तुरणी नौं से जणे जांद अर ह्यूंद बगत मा तोर तुरणी खूब खयांद। आज हम रंत रैबार बिटी तोर तुरणी बणाण तरीका बतौणा छ्वटू सी प्रयास कना छवां। आवा बणांद छवा तुरणीः-

तुरणी बणाण कुन सामानः- तोरी तुरणी बणाण से तकरीबन 08 घण्टा पैली एक कटोरी तोर भिगै द्याण। वैक बाद अद्धा दाल तै पीस द्याण। एक बरीक कट्यूं प्याज, ल्यासुन, टमाटर, अदरक पेस्ट, जख्या, घी, हींग, हल्दी मर्च, लूण गरम मसल, जीरू, धनिया अर हर धनिया।

तोर तुरणी बणाण विधिः- भिगयीं दाळ जू पाणी छ वैतै अद्धा लीटर करीब कुकर मा डाळी वेमा लूण हल्दी अर हींग डाळी कन कुकर तै बंद कर द्याण वैक बाद गैंस आंच थुड़़ा कम करी एक सीटी आणा बाद आंच होर कम करीक तकरीबन 15 मिनट तक पकण द्याण। वैक कुच्छ देर बाद कुकर तै खोली अद्धा पीसी तोरी दाळ तै भी उकमा डाळी मिलै द्याण, वैक बाद दाळ तै छौंकण रखण। कढै़ मा तेल गरम कन अर जब तेल गरम ह्वे जाल तब वैमा जीरू अर जख्या तड़का दगड़ी कट्यू प्याज अर ल्यासुण, अदरक पेस्ट, अर टमाटर तै खूब भूनी द्याण वैक बाद वै तै छौंकी अर बाद मा कट्यू हरू धनिया डाळ द्याण। ल्याव बणीगे तोर तुरणी, उंगळी चाटी रै जैली।

Loading...

Leave a Reply

Your email address will not be published. Required fields are marked *