उत्तराखण्ड शिक्षा मंत्री अरविंद पांडेय तै ज्वान नौन शोग, नौन समेत द्वियूं सड़क हादसा मा मौत, एक दगड़या अजों कोमा मा

उत्तराखण्ड शिक्षा मंत्री अरविंद पांडेय छ्वटू नौन अकुंर पांडेय सड़क हादसा मा मौत ह्वे ग्यायी। उ अजों 24 साल छ्यायी। वखी ये हादसा मा उंको एक दगड़या भी मौत ह्वे ग्यायी अर एक होर अजों कोमा मा छ। जाणकारी हिसाब से उ अपर दगड़या मुन्ना गिरी दगड़ी क्वी ब्यौ कार्यक्रम मा जाणा खातिर गोरखपुर कुणी रस्ता लग्यां छ्यायी। बतयाणा च कि गाड़ी अंकुर चलाणा छ्यायी। बरेली नजीक फरीदपुर अर रजउ नजीक अमणी समणी ट्रक अर कार टक्कर ह्वे ग्यायी। ये हादसा मा अंकुर गंभीर रूप मा घैल ह्वे ग्यायी। येक बाद उंते अस्पताळ मा भर्ती करये ग्यायी। अस्पताळ मा इलाज करद बगत उंकी मौत ह्वे ग्यायी।

दगड़या मुन्ना क भी मौत
हादसा मा अंकुर दगड़या मुन्ना क भी मौत ह्वे ग्यायी। अंकुर पार्थिव शरील उंक घर गूलरभोज, उधमसिंह नगर मा लये ग्यायी। जख श्ऱ़़द्धाजंलि दीण खातिर लोगू पौछण लगी गेन। मृतक अंकुर अजों अणबिवयूं छ्यायी। उंकी मौत बाद घर पर दुख पख्यड़ू टूटी ग्यायी। इनै नौन नीहुण्या खबर मिलण बाद मंत्री अरविंद पांडेय गूलरभोज कुणी पैट गीन, अर सुबेर करीब 10 बजे अपर घर मा पौछीन। उंक जठू नौन अतुल पांडेय भी घर ऐ गेन। खबर मिलण बाद सुबेर बिटि शोक प्रगट कन ह्वाळ लोगू भीड़ कठ्ठी हूण शुरू ह्वे ग्यायी। बतयै ग्यायी कि अंकुर पांडेय की अत्येष्टि गूलरभोज शमशान घाट पर सुबेर 11 से 12 बजे बीच मा करे जालि । वखी अंकुर पांडेय अर मुन्ना दगड़ी तीसर दगडया पिकूं यादव अजों कोमा मा छ। उ बरली सिद्धि विनायक अस्पताळ मा भर्ती च। मुख्यंमत्री त्रिवेन्द्र रावत अर पैल मुख्यमंत्री हरीश रावत न ट्वीट करी कन शोक प्रकट करी।

Leave a Reply

Your email address will not be published. Required fields are marked *