सीएम रावत गौं खैरासैण, योगी आदित्यनाथ गौं पंचुर बिटी ह्वेली उत्तराखण्ड मा चकबंदी शुरूवात

उत्तराखण्ड पहाड़ जिला मा खेती जमीन चकबंदी कना खातिर सरकार थ्री डी मैपिंग करवाली। ये से खेती जमीन खसरा नंबर सही स्थिति पता लग सकल। राजस्व विभाग सर्वे ऑफ इंण्डिया माध्यम से थ्री डी मैप तैयार कना छ। पहाड़ौं मा चकबंदी हूण कारण सरकार की अनुबंध खेती योजना भी लागू नी ह्वे पाणा। पौड़ी जिला पॉच गौं मा अजों तकन चंकबदी नी ह्वे पायी, यूं गौं मा ड्रोन बिटी एरियल सर्वे करये जाल।
पहाड़ी क्षेत्रों मा बिखरी कृषि जोत हूण कारण किसान तै बिण्डी मेहनत कन पड़द, अर खेती मुनाफा कम ह्वे जांद। सरकार न पहाड़ौं खातिर आंशिक अर स्वैच्छिक चकबंदी तै काननी रूप मा मान्य करयाल। लेकिन अजों तकन पहाड़ी जिला मा एक भी गौं मा चंकबंदी नही ह्वे पायी। सरकार न पौड़ी जिला पॉच गौं आशिंक अर स्वैच्छिक चकबदीं शुरूवात करी।
ये मा मुख्यमंत्री त्रिवेन्द्र सिंह रावत गौं खैरासैण, उत्तर प्रदेश मुख्यमंत्री योगी आदित्यनाथ गौं पंचूर, मंत्री सुबोध उनिल गॉव औणी समेत द्वी होर गौं शामिल छन। यूं गौं मा कृषि भूमि अभिलेखू डाटा तैयार कर लिये ग्यायी। अब ड्रोन बिटी एरियल सर्वे करे जाल। प्रदेश मा भूमि बंदोबस्त नी हूण कारण चकबंदी कना की बड़ी समस्या आणी छ। एक ही जमीन क गोल खाता मा कत्ती हिस्सेदार छन, लेकिन उं तै मालूम नी छ कि उंक जमीन कखम छ। अब सरकार चकबंदी तै बढावा दीण खातिर सर्वे ऑफ इण्डिया बिटी पहाड़ी जिलौ मा थ्री डी मैपिंग करली।

Leave a Reply

Your email address will not be published. Required fields are marked *