दुखद खबरः जम्मू कश्मीर मा उत्तराखण्ड मूल रैवासी आईटीबीपी जवान शहीद, घऽर मा मच्यूं कोहराम

उत्तराखण्ड मा जवान क शहीद हूण की सिलसिला रूकण नाम नी ल्याणा, अर एक बार फिर एक दुखभरी खबर सूणी कन पूर उत्तराखण्ड क दगड़ी दगड़ी पूर देश खातिर च। किलैकि जम्मू कश्मीर मा पहाड़ क एक होर लाल अपर शहीद ह्वे ग्यायी। रूद्रप्रयाग जिला क जखोली क गॉव बड़मा रैवास कन ह्वाळ सूर्यकान्त पंवार शहीद ह्वे गेन। बतै दिवां कि सूर्यकान्त पंवार भारत तिब्बत सीमा पुलिस यानी आईटीबीपी मेंं लेह लद्दाख क्षेत्र मा उंकी तैनाती छेयी। या पूर दुर्घटना करीब 02 दिन पैल की बतयाणा च।
खबरयों खबर हिसाब से आईटीबीपी मा तैनात उत्तराखण्ड क जवान सूर्यकान्त पंवार लेह लद्दाख क्षेत्र मा ग्लेशियर मा फंसण कारण देश खातिर शहीद ह्वे ग्यायी। शहीद सूर्यकान्त पंवार परिवार पिछल कुच्छ बगत बटी दिल्ली मा रैवास करदू, शहीद क परिवार मा पत्नी समेत 11 साल नौन अर पॉच साल की नौनी च। शहीद की घऽरवळी अर बच्चा दिल्ली क आरकेपुरम मा रैवास करदन, अर खबर मिलण बाद शहीद घऽर मा कोहराम हूयू। शहीद जवान की उम्र करीब 35 साल च अर अब पूर परिवार दिल्ली बटी उंक पैतृक गॉव जखोली बड़मा पौंछणा च, किलैकि उम्मीद करयाणा च कि आण ह्वाळ शनिवार यानी 09 मार्च तकन शहीद सूर्यकान्त क पार्थिव शरील उंक पैतृक गॉव बड़मा लये जाल।
शहीद क पैतृक घऽर मा बड़ू भाई अर मॉ बाप रैवास करदन, शहीद सूर्यकान्त पंवार क पिता सरकरी स्कूल बटी रिटायर मास्टर छन। जाणकारी क हिसाब से 09 मार्च शनिवार तकन शहीद क पार्थिव शरील उंक पैतृक गॉव मा पौंछी जाल। वखी जिला प्रशासन रूद्रप्रयाग तै अजों आईटीबीपी तरफ बटी ये बाबत क्वी खबर नी दिये ग्यायी, लेकिन आईटीबीपी न शहीद हूण की खबर परिजनू तै दियाल।

Leave a Reply

Your email address will not be published. Required fields are marked *