पंचायत चुनौ मा भौपूं बटी प्रचार कन बगत तय, इथगा बजे बाद नी कर सकदो प्रचार

स्तरीय पंचायत चुनाव खातिर राज्य निर्वाचन आयोग न प्रचार गाईडलाईन जारी करयाल। क्वी भी उम्मीदवार भोंपू बिटी ब्यखन आठ बजे बाद क्वी प्रचार नी कर सकल। भोपूं बिटी उम्मीदवार केवल दिन मा 11 घंटा तकन ही कर सकल। सार्वजनिक अर निजी संपत्तियों पर प्रचार बाबत भी राज्य निर्वाचन आयोन स्पष्ट निर्देश जारी करीन। जिला निर्वाचन अधिकारियूं ब्वाल कि नियमौं तै लघांण ह्वाळ उम्मीदवारौं खिलाफ काररवै करो।
पंचायत चुनाव खातिर आदर्श आचार संहिता लागू हूण बाद राज्य निर्वाचन आयोग जिलौं मशीनरी खातिर लगातार निर्देश जारी कन पर लग्यूं च। मंगळवार दिन प्रचार से जुड़या मसलों पर दिशा निर्देश जारी करे गीन। आयोग सचिव रोशनलाल तरफ बिटी जिला निर्वाचन अधिकारियूं खातिर भिज्यां निर्देश मा भौपूं से प्रचार कन समय सीमा तय कने जानकारी दिये ग्यायी। लाउडस्पीकर बिटी प्रचार सुबेर नौ बजे बिटी शुरू ह्वे कन ब्यखन आठ बजे तक नही करे जै सकदू।
सार्वजनिक संपत्ति पर प्रचार नी करे जाव
सचिव तरफ बिटी बुले ग्यायी कि सार्वजनिक संपत्ति पर कै भी स्थिति मा प्रचार न करे जाव। येक अलावा निजी संपत्ति पर इस्तेमाल प्रचार खातिर पैल भवन मालिक बिटी अुनमति लिये जाव। भोपूं से प्रचार कना समय सीमा तय कन बगत आयोग न महसूस करी कि रोगियूं अर विद्यार्थियूं सहूलियत तै ध्यान मा रखी कन यन करे जाण बौत जरूरी छ।

Leave a Reply

Your email address will not be published. Required fields are marked *