उत्तराखण्ड एक वीर सिपै राजस्थान मा तबियत बिगड़न से अचाणचक मौत, घऽर मा इकलौता नौन छ्यायी ,खबर मिलदी परिवार मा टूटी दुखूं पहाड़

राजस्थान मा तैनात उत्तराखण्ड जवान की अचाणचक तबियत बिगड़न से मौत ह्वे ग्यायी। मूल रूप मा चमोली, क सेंती गौं रैवासी 22 सालू रोहित की मौत हूण खबर मिलदी गौं मा दुख पहाड़ जणी टुट ग्यायी, रोहित अपर घऽर इकलौती संतान छेयी। रोहित मॉ लीला देवी अर बैणी किरण क रोयी रोयी कन बुरू हाल छन। खबरयों खबर हिसाब से द्वी साल पैल ही रोहित लैंसडाउन मा गढवाळ राईफल्स मा भर्ती ह्वे छ्यायी। यूं दिनू उंकी ड्यूटी बीकानेर राजस्थान मा छेयी। प्रमोशन खातिर उंकी परीक्षा चलणी छेयी। द्वी फरवरी कुणी दुफरा मा परीक्षा दीणा खातिर अपर सीट दिखणा कुणी जयां छ्यायी। वै दौरान वख अचाणचक बेहोश ह्वेकन जमीन मा पड़ी गेन। खबर मिलदी होर जवान रोहित तै लेकन सेना अस्पताळ मा गेन अर भर्ती करवायी। लेंकिन प्राथमिक उपचार करणा दौरान उन दम तोड़ देन अर भग्यान ह्वे ग्यायी। रोहित एक मैना पैली छुट्टी काटी कन 17 जनवरी दिन बीकानेर गे छ्यायी। अपर परिवार मा रोहित इखुली सारू छ्यायी। वैक एक छ्वटी भुली भी च, जैंक तीन मैना पैली ब्यौ ह्वे छ्यायी।

Loading...

Leave a Reply

Your email address will not be published. Required fields are marked *