हरिद्वार हर की पैड़ी मा असमान बिजळी पड़न से भारी नुकसान

उत्तराखण्ड मा मानसून बरखा हूण कारण जगह जगह भारी नुकसान हूणा। ब्याळी पिथौरागढ मा बरखा हाय तोबा कर्यूं वखी ब्याळी अद्धा रात बाद हर की पैडी पर बादळू न अपर तांड़व रूप दिखे द्यायी।

ब्यखन रात यख आकाशीय बिजली पड़न कारण अच्छा खासा नुकसान ह्वे ग्यायी। हर की पैड़ी क ट्रांसफार्मर क परखच्चा उडी गीन। गनीमत या रायी कि क्वी जान माल नुकसान नी ह्वायी। घटना देर रात करीब ढाई बजे बतयाणा छ। घटना की सूचना मिलण पर एसएसपी मौका पर पहॅुची अर घटना स्थल क मुआवना करी। पहाड़ अर मैदानी क्षेत्रों मा हूण ह्वाळ भारी बरखा कारण गंगा जल स्तर भी बढण लगी ग्यायी। सोमवार कुणी दुफरा मा 12 बजे गंगा जलस्तर बढीकन 291.60 मीटर तकन पौंछी ग्यायी। गंगा चेतावनी निशान 293 मीटर पर स्थित छ। गंगा जल स्तर तै देखी कन गोवध्र्रनपुर, मावाडोला अर बालावली गाॅव मा बणयी बाढ़ राहत चैकियूं मा तैनात कर्मचारियूं तै 24 घंटा मुस्तैद रैण निर्देश देन।

Loading...

Leave a Reply

Your email address will not be published. Required fields are marked *