उत्तराखंडी प्रवासी बलविंदर सिंह रावत जापान मा मौत हूणं पर समाज सेवी रोशन रतूड़ी न ब्वाल परिवार बटी इजाजत मिलण पर मी लेकन औलू पार्थिव शरील

समाज सेवी रोशन रतूड़ी सोसल मीडिया माध्यम से बते कि जब यह खबर मिलदी  कि अपर देश कै भाई कू निधन विदेशी मुल्क मा ह्वे जाव त उकी समस्या देखीं कन भौत दुख हूंद। यनि एक उत्तराखंडी भाई जैक नौ बलविंदर सिंह रावत उम्र 42 साल जू जापान मा तोचगी प्रीफेपचर  क पाक महल रेस्टोरेंट मा काम करदू छ्यायी, जख उक ब्याळी सुबेर निधन ह्वे ग्यायी। बलविंदर सिंह , टिहरी जिला उत्तराखंड रैवासी छन।  उन बते की बलविंदर सिंह पिछल 10 साल बटे की जापान मा रैवास कना छ्यायी, अचाणचक उक मौत हूणं कारण पता नि लग पाई, पुलिस ये बाबत खोजबीन कना च। उन शोक अर सांत्वना प्रगट करी कन ब्वाल की भगवान उकी आत्मा तै शांति द्याव अर मृतक परिवार तै ये दुख घड़ी तै सण की ताकत द्य्याव।  ये दुख घड़ी मा आर आर ह्यूमिनिटी फर्स्ट देवभूमि सदनी ये परिवार दगड़ी मदद अर सहयोग कना खातिर परिवार दगड़ी च। उन या बात भी ब्वाल कि अगर मृतक बलविंदर रावत परिवार बुल्द की जापान जैकन बलविंदर रावत क पार्थिव शरील जापान बटी लेकन औलू।  इंसानियत कबि खतम नि हूणं च्येणी।

Loading...

Leave a Reply

Your email address will not be published. Required fields are marked *